Скандалы ў французскай школе: настаўнікі баяцца вучняў і адмаўляюцца працаваць

Многія французскія настаўнікі былі і два месяцы таму моцна ўзрушаныя забойствам Дамініка Бернара — настаўніка літаратуры з сярэдняй школы, якое здзейсніў яго былы вучань, а таксама былі занепакоеныя ростам колькасці парушэнняў французскіх свецкіх законаў у школах. Сярод страху, самацэнзуры і пагроз для некаторых настаўнікаў простае выкананне сваёй працы стала крыніцай трывогі. А днямі здарыўся яшчэ адзін скандал, пасля якога настаўнікі адмовіліся працаваць з дзецьмі.

Настаўнікі адмовіліся выкладаць у школе, яны заявілі, што карыстаюцца сваім правам трымацца далей ад класаў з-за «асабліва складанай сітуацыі» ў сярэдняй школе. Настаўнікі згадалі пра «адчувальны дыскамфорт», і заявілі, што «рост выпадкаў гвалту» — гэта іх штодзённая рэальнасць.

Міністр адукацыі Францыі наведаў школу імя Жака Карцье каля Парыжа, дзе ўжо некалькі дзён працягваецца скандал з-за дэманстрацыі падчас урокаў класічнай карціны з выявай аголенага жаночага цела, паведамляе ВВС.

Настаўніца паказала на ўроку французскай мовы карціну італьянскага мастака Джузэпэ Чэзары «Дыяна і Актеон», на якой цнатлівая багіня палявання, гэтак жа, як і німфы, якія суправаджаюць яе, былі намаляваныя аголенымі. У еўрапейскіх мастакоў XVII стагоддзя падобная практыка была агульнапрынятай. Карціна захоўваецца ў музеі Луўр у Парыжы.

У карціне выкарыстоўваецца міфалагічны сюжэт з паэмы Авідыя «Метамарфозы», згодна з якім паляўнічы Актэон заспеў знянацку Дзіяну, якая купалася, за што і быў ператвораны ёю ў аленя. Затым ён загінуў ад зубоў сваіх уласных сабак-ганчакоў. Сама карціна захоўваецца ў Луўры.

Некалькі вучняў першага класа старэйшай школы ад карціны адвярнуліся і заявілі, што яна абразіла іх пачуцці. Пра гэта паведаміла агенцтву AFP прадстаўнік прафсаюза настаўнікаў Сафі Венецітэ. Паводле яе, некаторыя вучні таксама абвінавацілі настаўніцу ў тым, што яна рабіла расісцкія і ісламафобскія заявы.

На наступны дзень адзін з бацькоў паскардзіўся дырэктару школы, што яго сыну не далі выказаць сваё меркаванне падчас дыскусіі ў класе. Паводле інфармацыі СМІ, імя настаўніцы таксама з'явілася ў сацсетках у суправаджэнні паведамленняў пра тое, што яна нібыта абражала мусульман.

У панядзелак занепакоеныя за сваю бяспеку настаўнікі адмовіліся выходзіць на працу, і ў школу адправіўся міністр адукацыі Францыі Габрыэль Аталь.

А два месяцы таму іншы настаўнік, Дамінік Бернар, быў зарэзаны на дзіцячай пляцоўцы сваёй школы ў Арасе на поўначы Францыі.

Міністр адукацыі Францыі паведаміў СМІ, што да вучняў будуць ужытыя дысцыплінарныя меры і што настаўнікі карыстаюцца поўнай яго падтрымкай.

Акрамя таго, Атал паабяцаў, што ў школу таксама будзе накіравана спецыяльная група, якая будзе сачыць за тым, каб і настаўнікі, і вучні прытрымлівалася «каштоўнасцяў Рэспублікі».

12 снежня заняткі ў школе аднавіліся, але некаторыя настаўнікі па-ранейшаму адмаўляюцца весці заняткі, бо лічаць, што ўся гісторыя з карцінай з'яўляецца сведчаннем адсутнасці дысцыпліны сярод вучняў.

Здаецца, атмасфера ў школе была напружанай з пачатку семестра ў верасні. Чыноўнікі ад адукацыі кажуць, што бацькі вучняў неаднаразова скардзіліся і на сам навучальны працэс, і на меры, якія прымяняюцца школай для падтрымання дысцыпліны.

Венецітэ нагадвае, што Паці, настаўнік геаграфіі і гісторыі, быў забіты пасля таго, як паказаў класу карыкатуры на прарока Мухамеда з сатырычнага часопіса Charlie Hebdo. Пры гэтым апавяданні пра гэты ўрок распаўсюдзіліся па сацсетках у вельмі скажоным выглядзе.

«Нам выдатна вядома, — сказала Венецітэ ў інтэрв'ю французскай тэлекампаніі BFM TV, — што гэта можа прывесці да трагедыі. Мы бачылі падобны прыклад у забойстве Сэмюэля Паці. Нашы калегі адчуваюць пагрозу».

• Нагадаем, на мінулым тыдні шасцёра падлеткаў былі асуджаныя за ўдзел у забойстве Паці. Пяцёра з іх прызнаныя вінаватымі ў тым, што паказалі на выкладчыка яго забойцу ў абмен на ўзнагароджанне.
• Суд кваліфікаваў гэта як удзел у злачыннай змове з мэтай здзяйснення гвалту пры абцяжваючых абставінах.
• Шостая ўдзельніца працэсу агаварыла настаўніка перад сваімі бацькамі, каб растлумачыць сваё адхіленне ад заняткаў. У сацыяльных сетках з'явілася імя Самуэля Паці.

Яшчэ адна ноч пратэстаў у Францыі: некалькі соцень арыштаваных

Здарэнне ў Рэне: распачата крымінальная справа паводле замаху на забойства

13 снежня стала вядома, што 12-гадовы падлетак пагражаў настаўніку нажом, хоць ніхто не пацярпеў. Чарговы  інцыдэнт здарызся падчас урока англійскай мовы ў паўночна-заходнім горадзе Рэн, але пракуратура заявіла, што распачала крымінальнае расследаванне замаху на забойства, паведамляе www.france24.com.

«Сёння раніцай вучань пагражаў настаўніку нажом падчас урока. Вучні, узрушаныя, былі неадкладна перавезены ў бяспечнае месца», — гаворыцца ў паведамленні мясцовага ўпраўлення адукацыі.

Школьніца 2011 года нараджэння «прыйшла ў клас, узброеная вялікім нажом, з відавочным намерам забіць свайго настаўніка англійскай мовы», сказаў пракурор Рэна Рэн Філіп Аструк.

«Падчас урока, у класе, яна размахвала нажом каля ахвяры, якая збегла», перш чым яе раззброілі супрацоўнікі сярэдняй школы Hautes Ourmes, дадаў ён.

На наступнай прэс-канферэнцыі ён паказаў чарцяжы кухоннага нажа, які, па яго словах, быў даўжынёй 17 сантыметраў. Пракурор паведаміў, што цяпер дзяўчына праходзіць псіхіятрычную экспертызу ў шпіталі, «якая дасць магчымасць праліць больш святла на гэтую сітуацыю».

Ён сказаў, што, здаецца, «псіхалагічны ці нават псіхіятрычны аспект» здаўся яму «дамінуючым ва ўчынку гэтага непаўналетняга». Падазраваная з'яўляецца старэйшым з чатырох дзяцей у сям'і мангольскага паходжання, якая пражывае ў Францыі і якая прыбыла ў Рэн у 2012 годзе.

Паводле www.bbc.com, www.france24.com