«Тут іх няма!» — чарговы акт вандалізму ў Курапатах

Невядомыя размалявалі шыльды на крыжах ва ўрочышчы Курапаты. Як паведамляе ў Facebook настаўніца і пісьменніца Ганна Севярынец, надпісы былі розныя, адну з іх яна згадвае: на таблічках расстраляным у 1937-м літаратарам Алесю Дудару і Васілю Кавалю вандалы напісалі «Тут іх няма!».

Фота з фэйсбука Ганны Севярынец

Фота з фэйсбука Ганны Севярынец


«Тут іх і сапраўды — нет. Мо, дзе пад гаражным кааператывам у Лошыцы, пад бетоннай пляцоўкай. Мо дзе пад навабудамі Каменнай Горкі. Пад кінатэатрам "Арбіта". А можа, наогул на сметніку, куды звозілі косці пры будаўніцтве кальцавой», — піша Ганна Севярынец, якая даследуе творчасць Дудара і зрабіла яго адным з цэнтральных персанажаў свайго рамана «Гасцініца "Бельгія"».

Паводле яе слоў, надпісы ўжо адмылі.

У Курапатах знаходзяцца месцы пахаванняў ахвяр масавых расстрэлаў у 1937-1941 гадах. Дакладных даных пра колькасць расстраляных няма. У ноч з 29 на 30 кастрычніка 1937 года НКУС расстраляў там 108 беларускіх культурных дзеячаў і навукоўцаў. Сярод іх былі паэты, празаікі, крытыкі, перакладчыкі. Гэтая ноч стала кульмінацыяй знішчэння беларускай інтэлігенцыі падчас сталінскіх рэпрэсій.

Акты вандалізму адбываліся ў Курапатах неаднаразова, аднак вінаватых не знаходзілі.


Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: