Больш за 550 пілігрымаў загінулі ў Мецы падчас хаджу

Хадж з'яўляецца адным з пяці слупоў ісламу, і ўсе мусульмане, якія маюць сродкі, павінны здзейсніць яго хаця б адзін раз. Тэмпература ў Вялікай мячэці ў Мецы ў панядзелак дасягнула 51,8 градуса па Цэльсіі.

Дыпламаты  заявілі, што як мінімум 550 пілігрымаў загінулі падчас хаджу, падкрэсліваючы знясільваючы характар ​​​​пілігрымкі, якая у гэтым годзе зноў адбывалася ва ўмовах пякельнай тэмпературы, піша Rfi.fr.

Прынамсі 323 з ліку загінулых былі егіпцянамі. Гібель большасці з іх была звязаная з хваробамі, выкліканымі спёкай, паведамілі AFP двое арабскіх дыпламатаў.

«Усе яны (егіпцяне) загінулі з-за спёкі», за выключэннем аднаго, які атрымаў смяротныя траўмы падчас цісканіны.

Сярод загінулых таксама прынамсі 60 іарданцаў. 

У сацсетках распаўсюджваюцца відэа з целамі пілігрымаў, якія памерлі проста на вуліцах горада.

Агульная колькасць загінулых у моргу ў Аль-Муайсеме, адным з самых вялікіх у Мецы, дасягае 550 чалавек. 

Хадж з'яўляецца адным з пяці слупоў ісламу, і ўсе мусульмане, якія маюць сродкі, павінны здзейсніць яго хаця б адзін раз.

Тэмпература ў Вялікай мячэці ў Мецы ў панядзелак дасягнула 51,8 градуса па Цэльсіі (125 па Фарэнгейце), паведамляе Саудаўскі нацыянальны метэаралагічны цэнтр.

Цеплавы ўдар

Улады Саудаўскай Аравіі паведамілі пра лячэнне больш чым 2000 паломнікаў, якія пакутуюць ад цеплавога ўдару, але не абнаўлялі гэтую лічбу з нядзелі і не прадастаўлялі інфармацыі аб смяротных зыходах.

У мінулым годзе розныя краіны паведамлялі аб гібелі па меншай меры 240 паломнікаў, большасць з іх — інданезійцы.

Журналісты AFP у Міне, за межамі Мекі, у панядзелак бачылі, як паломнікі выліваюць сабе на галовы бутэлькі вады, а валанцёры раздаюць ім халодныя напоі і шакаладнае марожанае, каб дапамагчы ім астыць.

Улады Саудаўскай Аравіі рэкамендавалі паломнікам выкарыстоўваць парасоны, піць шмат вады і пазбягаць знаходжання на сонцы ў самыя гарачыя гадзіны дня.

Але многія рытуалы хаджу, у тым ліку малітвы на гары Арафат, якія адбыліся ў суботу, прадугледжваюць знаходжанне на свежым паветры на працягу некалькіх гадзін у дзённы час.

Каля 1,8 мільёна паломнікаў прынялі ўдзел у гэтым годзе ў хаджы, 1,6 мільёна з іх, паводле саудаўскіх уладаў, прыехалі з іншых краін.

Незарэгістраваныя пілігрымы

Кожны год дзясяткі тысяч паломнікаў здзяйсняюць хадж без неабходнай рэгістрацыі, паколькі яны не могуць дазволіць сабе дарагія працэдуры атрымання афіцыйных віз для хаджу.

Адпаведна, незарэгістраваныя паломнікі не могуць атрымаць доступ да памяшканняў з кандыцыянерамі, прадастаўленых уладамі Саудаўскай Аравіі па маршруце хаджу.

«Гэтыя паломнікі доўгі час ішлі без ежы, вады і кандыцыянера», -  — сказаў егіпецкі чыноўнік, які курыруе місію хаджу ў краіне. Яны загінулі «ад спёкі, таму што большасці людзей не было дзе» схавацца.

Раней у гэтым месяцы саудаўскія афіцыйныя асобы заявілі, што яны выпусцілі сотні тысяч незарэгістраваных паломнікаў з Мекі напярэдадні хаджу.

Сярод іншых краін, якія паведамілі пра смерць падчас хаджу ў гэтым годзе, — Інданезія, Іран і Сенегал. Генконсульства Расіі паведаміла, што прынамсі чатыры расійскія пілігрымы загінулі ў Мецы.

Трагедыі ў Мецы

Антырэкордам па колькасці загінулых падчас хаджу застаецца хадж 2015 год, калі 25 верасня ў прадмесці Мекі даліне Міна загінула больш за 2 тысячы чалавек. Прычынай стала цісканіна падчас рытуальнага «пабівання камянямі шайтана». Сярод загінулых былі грамадзяне 30 краін.

Да гэтага ў 1990 годзе цісканіна ў пешаходным тунэлі «аль-Маайсім» у Мецы забрала жыцці больш за 1,4 тысяч мусульман: пры 45-градуснай спёцы ў падземны пераход, які злучае намётавае мястэчка паломнікаў у Міне і Меку, скіравалася больш за пяць тысяч чалавек.