Кіеў даражэй за Маскву. Апублікаваны новы рэйтынг самых дарагіх гарадоў

Ізраільскі Тэль-Авіў прызнаны самым дарагім горадам для жыцця па выніках даследавання, праведзенага Economist Intelligence Unit — аналітычным аддзелам Economist Group. Суседні Кіеў увайшоў у дзясятку гарадоў свету па тэмпах падаражэння, паведамляе korrespondent.ne.

Апублікавана новае даследаванне кошту жыцця ў гарадах, якое правёў Economist Intelligence Unit — аналітычны аддзел Economist Group. Самым дарагім горадам для жыцця стаў Тэль-Авіў, таксама ў першай дзясятцы аказаліся Цюрых і Ганконг (у мінулым годзе яны дзялілі першае месца з Парыжам, а цяпер перамясціліся на 4 і 5 радкі), за імі ідуць Нью-Ёрк, Жэнева, Капенгаген, Лос-Анджэлес і Осака.

Пяць самых дарагіх гарадоў:

- Тэль-Авіў

- Парыж

- Сінгапур

- Цюрых

- Ганконг

Пяць самых танных гарадоў:

- Дамаск

- Трыпалі

- Ташкент

- Туніс

- Алматы

Летась Тэль-Авіў займаў пяты радок рэйтынгу. А першае месца дзялілі Парыж, Цюрых і Ганконг. Лондан заняў 17-е месца, падняўшыся на тры пункты. Рэкардсменам па ўзлёце (адносным) стаў Тэгеран, дзе амерыканскія санкцыі так павысілі кошт жыцця, што сталіца Ірана за 12 месяцаў паднялася адразу з 79-га на 29-е месца.

Кіеў падняўся на 13 пазіцый у рэйтынгу і заняў 88-е месца.

Масква знаходзіцца прыкладна ў сярэдзіне спісу — на 96-м месцы. Таксама як і Кіеў, яна ўвайшла ў дзесятку гарадоў з самымі прыкметнымі тэндэнцыямі да росту — расійская сталіца за год паднялася ў рэйтынгу на 10 радкоў.

Як лічылі

Агулам аўтары даследавання параўналі цэны на тавары і паслугі ў доларах ЗША ў 173 буйных гарадах. Яны прыйшлі да высновы, што ў сярэднім цэны ў мясцовай валюце ў даследаваных гарадах выраслі на 3,5% — гэта самы высокі ўзровень інфляцыі, адзначаны за апошнія 5 гадоў. Самы значны рост прыйшоўся на сферу транспарту—цана бензіну ў сярэднім падскочылі на 21%.

Узлёт Тэль-Авіва шмат у чым тлумачыцца ўмацаваннем ізраільскай валюты — шэкеля — у адносінах да долара. Адбыўся таксама значны рост цэнаў (каля 10%) на тавары, у першую чаргу прадукты харчавання.

Тэль-Авіў заняў другое месца па дарагоўлі алкаголю і транспарту, пятае — па прадметах асабістай гігіены і шостае — па кошце забаваў. І гэта пры тым, што ў разліках Economist не ўваходзіў рост цаны жылля.

«Тэль-Авіў будзе і далей даражэць, як і ўся краіна, — сказаў у інтэрв'ю газеце Haaretz мэр горада Рон Хульдаі. — І галоўная праблема ў тым, што ў Ізраілі няма альтэрнатыўных буйных гарадоў. У ЗША ёсць Нью-Ёрк, Чыкага, Маямі і гэтак далей, у Брытаніі — Лондан, Манчэстэр, Ліверпуль. Там заўсёды можна пераехаць у іншы горад, калі цаны жыцця становіцца занадта высокай».

Аўтары справаздачы адзначаюць, што пандэмія каронавіруса працягвае ўносіць у рэйтынгі істотныя карэктывы.

«Хоць па меры вакцынацыі большасць эканомік свету пачынаюць прыходзіць у сябе, у буйных гарадах свету па-ранейшаму адбываюцца ўспышкі заражэння, што прымушае прымаць абмежавальныя меры. У многіх гарадах гэта вядзе да перабояў у забеспячэнні і, як вынік, да дэфіцыту і росту цэнаў», — пішуць яны.

Зрэшты, паводле прагнозаў Economist, у будучым годзе рост цэнаў павінен запаволіцца па меры таго, як цэнтрабанкі па ўсім свеце пачнуць асцярожна падымаць уліковыя стаўкі ў спробе стрымаць інфляцыю.