Муміі з Паўднёвай Амерыкі прайшлі кампутарную тамаграфію

Самыя старажытныя муміі ў свеце, створаныя прадстаўнікамі паўднёваамерыканскай культуры чынчора больш за сем тысяч гадоў таму, былі дастаўлены нядаўна ў адзін са шпіталяў Сант'яга, каб прайсці даследаванне на кампутарным тамографе. Навукоўцы вывучаць ўнутраную будову 15 мумій. Таксама будзе праведзены аналіз іх ДНК.

Прадстаўнікі культуры чынчора жылі ад 10000 да 3400 гадоў да н. э. на мяжы сучасных Чылі і Перу. Яны займаліся паляваннем і рыбалоўствам. Прыкладна 7400 гадоў назад яны пачалі бальзамаванне сваіх памерлых, за дзве тысячы гадоў да таго, як гэтым заняліся старажытныя егіпцяне.
У працэсе муміфікацыі яны здымалі з цела скуру, выдалялі цягліцы і ўнутраныя органы. Затым, выкарыстоўваю гліну і раслінныя матэрыялы, яны аднаўлялі цела вакол парэшткаў шкілета, а на  апраналі знятую раней скуру і зашывалі яе. Як кажа кіраўнік аддзела антрапалогіі Нацыянальнага музея натуральнай гісторыі Сант'яга Вераніка Сільва, агульная схема муміфікацыі была аднолькавай, але кожны канкрэтны выпадак дэманструе «унікальныя тэхналагічныя і мастацкія інавацыі». Пачынаючы з 1903 года было знойдзена каля 180 мумій чинчорро.
Даследаваныя ў гэты раз муміі пераважна належалі дзецям і нават яшчэ ненароджаным эмбрыёнам. Па словах загадчыка аддзяленнем радыялогіі бальніцы Лос-Кондэс Марсэла Гальвеса, у ходзе кампутарнай тамаграфіі мумій былі атрыманы тысячы выяў з разрозненнем менш аднаго міліметра. Цяпер праграмы апрацоўкі выяў павінны дапамагчы аднавіць цягліцавы пласт мумій і рысы іх твараў.