Час скупляць шакалад? Што адбываецца з коштамі на какава-бабы
Чаму растуць кошты на какава-бабы і як паўплывае на вытворчасць закон Еўрасаюза з новымі патрабаваннямі да пастаўшчыкоў?
Фота endeavour.edu.au
Цэны на шакаладныя вырабы і касметычныя сродкі з какава ў Еўропе і свеце рэзка вырастуць з-за закона ЕЗ аб пастаўках какава, піша агенцтва Bloomberg.
Выданне піша, што Еўрасаюз увядзе новыя патрабаванні для пастаўшчыкоў какава-бабоў, нацэленыя на барацьбу з высечкай лесу. Згодна з правіламі, надалей на кожнай партыі бабоў з Афрыкі павінны быць указаны GPS-каардынаты ферм, дзе яны былі вырашчаны. Дадзеная інфармацыя павінна быць загружана ў спецыяльную базу дадзеных Еўрасаюза.
Глядзіце таксама
Такім чынам, Cargill Inc., Ferrero Group, Nestle SA, Mars Inc. і іншыя вытворцы шакаладу павінны будуць даказваць Еўрасаюза, што бабы, якія яны імпартуюць на кантынент, не спрыялі абязлесенню ў іншым месцы.
«Нам прыставілі пісталет да галавы, каб мы стваралі новую сістэму і рыхтаваліся. Мы чакаем перабояў на працягу аднаго-двух гадоў, і гэта можа азначаць павышэнне коштаў у Еўропе», — прывяло агенцтва выказванне прэзідэнта галіновай групы Еўрапейскай асацыяцыі какава датычна новых правілаў.
Адзначаецца, што Еўрасаюз з'яўляецца найбуйнейшым закупшчыкам какава-бабоў з Кот-Д'івуара і Ганы. Па разліках Bloomberg, у перыяд з 2018-га па 2021-ы краіны ЕЗ закуплялі гэтай прадукцыі ў афрыканскай краіны ў сярэднім на $3 млрд у год.
Новае правіла ўступіць у сілу 30 снежня 2024-га года.
А ў лютым сусветныя цэны на какава-бабы выраслі да рэкордных 6000 долараў за тону. З пачатку года какава-бабы падаражэлі ў паўтара раза, з 2022-га — на 130%.
Глядзіце таксама
Для какавы неўласцівая высокая валацільнасць. Сітуацыя, якая склалася на рынку, можа быць звязаная, у прыватнасці, з умовамі надвор'я. Кліматычная з'ява Эль-Ніньё забяспечыла сухі і гарачы клімат у Заходняй Афрыцы, што прывяло да неўраджаю шэрагу культур, у тым ліку і какавы.
У канцы снежня 2023-га Bloomberg пісалі, што рост коштаў яшчэ мацней ударыць па пакупнікам у 2024-м, паколькі вытворцы шакаладу вычарпаюць запасы, набытыя па больш нізкіх коштах і на іх пачне прыходзіцца асноўны ўдар росту.
Акрамя таго, бесперапынныя дажджы ў пачатку года перашкаджалі вырошчванню какавы ў Заходняй Афрыцы і спрыялі распаўсюджванню хваробы, якая выклікае завяданне струковых раслін. Акрамя гэтага, пагрозу для вытворцаў нясе распачаты штогадовы ветраны перыяд, вядомы як Харматан, у Заходнеафрыканскай частцы.