Рынак працы — галоўная болевая кропкай беларускай эканомікі
За першае паўгоддзе эканоміка страціла ўжо больш за 25 тысяч чалавек. У чэрвені 2024 года сярэдні заробак замацаваўся на ўзроўні 2270 рублёў. Нягледзячы на павышаныя заробкі, узровень аплаты працы ўсё яшчэ сур'ёзна адстае ад большасці суседзяў, піша праект «Вашы грошы».
У чэрвені занятасць трохі вырасла, але не перакрыла страт мінулых месяцаў
Паводле звестак Белстата, у эканоміцы Беларусі ў чэрвені 2024 года было занята 4 мільёны 113,6 тысяч чалавек — ці на 1,4 тысячы больш, чым месяцам раней. Аднак, нягледзячы бягучы прырост, агульная карціна вельмі небяспечная для Беларусі: у цэлым за першае паўгоддзе эканоміка страціла ўжо больш за 25 тысяч чалавек.
Калі паглядзець статыстыку беларускага рынку працы ў 2024 годзе, відавочна, што і лютаўскі, і сакавіцкі прырост не перакрылі студзеньскае падзенне. Гэта жа і чэрвеньскі невялікі ўздым не кампенсаваў значнага спаду занятасці ў красавіку і траўні. Эканоміка працягвае імкліва страчваць кадры.
Праблемы беларускага рынку працы маюць два складнікі: натуральны і рукатворны.
Негатыўныя дэмаграфічныя тэндэнцыі былі наканаваныя нізкім узроўнем нараджальнасці і ростам працягласці жыцця.
А вось рукатворныя праблемы стварылі самі чыноўнікі — падахвочвалі насельніцтва да эміграцыі і выціскалі з рынку працы тых, хто здаецца сілавікам і бюракратам нядобранадзейным.
Аднак цалкам адмяніць механізмы рынку немагчыма. Там, дзе расце попыт на працу, растуць і заробкі. Беларусы ўсвядомілі сваю запатрабаванасць як на Захадзе, так і на Усходзе, і па-ранейшаму маюць магчымасць працаваць за мяжой. Пры гэтым, нягледзячы на павышаныя заробкі ў Беларусі, узровень аплаты працы ўсё яшчэ сур'ёзна адстае ад большасці суседзяў.
Рынак працы цяпер з'яўляецца, бадай, галоўнай болевай кропкай беларускай эканомікі. Тут сутыкнуліся супярэчнасці розных ўладных груп — сілавікоў і бюракратаў, а таксама адбыўся канфлікт ручнога рэгулявання і свабоднага рынку.
Глядзіце таксама
Заробкі ў чэрвені зноў выраслі, крыху павялічылася і занятасць
У валютным эквіваленце намінальная налічаная заработная плата склала $712 «бруднымі», падлічыў праект «Вашы грошы».
За год сярэдняя заработная плата ў Беларусі вырасла на 343 рублі ў намінальным выражэнні, рост у валюце эквіваленце склаў $62.
Самы высокі заробактрадыцыйна зафіксаваны ў сталіцы — 3021 рубель. За год з папраўкай на інфляцыю рост заробкаў у Мінску склаў 10,0%. Следам ідзе Мінская вобласць з заробкам 2270 рубля і гадавым ростам у 11,4%.
Рэгіянальны рэйтынг па заробках традыцыйна замыкае Магілёўская вобласць, дзе ў чэрвені сярэдняя заработная плата склала 1924 рублі. За год рэальныя заробкі тут выраслі на 13,1 %, што з'яўляецца максімальным гадавым прыростам сярод усіх рэгіёнаў Беларусі.
Па сферах дзейнасці максімальная заработная плата традыцыйна назіраецца ў сферы ІТ. У чэрвені 2024 года сярэдні заробак тут склаў 6763 рублі. Тут адзначана зніжэнне заробку ў рэальным выражэнні, аднак усяго на 0,9%.
Далей у рэйтынгу заробкаў ідзе сфера фінансаў. За год заробкі тут выраслі ў рэальным выражэнні на 8% і дасягнулі 3219 рублёў.
Сярод лідараў па памерах заработнай платы і росту ў гадавым выражэнні ў бягучым годзе вылучаецца сфера будаўніцтва. Чэрвеньскія заробкі ў там аказаліся на 16,8% вышэйшыя, чым летась, і дасягнулі 2671 рублёў. Самыя нізкія заробкі сярод ключавых сфер эканомікі адзначаны ў сферы аховы здароўя (1956 рублёў), сельскай гаспадарцы (1816 рубля) і сферы адукацыі (1715 рублёў).
Прычыны росту заробкаў у Беларусі цяпер адначасова абумоўлены як выключна бюракратычнымі фактарамі, так рынкавымі, паколькі эканоміка паказвае ўсё большы дэфіцыт кадраў.
Глядзіце таксама
