Грамадскі актывіст Аляксандр Макаеў выйшаў на волю пасля 15-сутачнага арышту

Грамадскі актывіст Аляксандр Макаеў выйшаў на волю са сталічнага Цэнтра ізаляцыі правапарушальнікаў вечарам 11 жніўня пасля 15-сутачнага арышту.



860ae855_ea07_4b24_8057_721ef17c341f_w640_r1_s_cx3_cy7_cw97.jpg

Яго прыйшлі сустракаць больш як 30 чалавек, у тым ліку праваабаронца Юлія Сцяпанава, грамадскі актывіст Максім Вінярскі, актывіст грамадзянскай кампаніі "Гавары праўду" Сяргей Вазняк, актывістка Вольга Нікалайчык, паплечнікі Макаева і журналісты. 


Макаева як сустаршыню Камітэта салідарнасці з Украінай сустракалі з украінскім сцягам. Аднак супрацоўнікі ЦІП заявілі Сцяпанавай, што Макаева не выпусцяць, пакуль тыя, хто яго сустракае, не прыбяруць украінскі сцяг. Актывісты выканалі патрабаванне і згарнулі сцяг. 


У 21.00 каля ўваходу ў ЦІП было некалькі легкавых аўтамабіляў міліцыі, пад`ехаў аўтазак. 


У 21.10 Макаев выйшаў і расказаў журналістам, што ўмовы ўтрымання ў ЦІП крыху палепшыліся — там ідзе рамонт, і яму давялося адбываць пакаранне ў абноўленай камеры. Актывіст таксама зазначыў, што зараз сталі "адносна лепш карміць". Аднак прагулачны дворык на рамонце, і зняволеных на свежае паветра не выпускаюць. 
 

"Ставіліся з боку адміністрацыі ЦІП да мяне нейтральна", — сказаў Макаеў. Кажучы пра падзеі 27 ліпеня, ён падкрэсліў, што прадчуваў сваё затрыманне: "за сцяг, за нацыянальную сімволіку... за гэта зараз беларусаў караюць".


У зняволенні ён больш за ўсё перажываў за сваю грамадзянскую жонку Юлію Сцяпанаву,  з якой яны чакаюць дзіця, а таксама за свой бізнэс. 


Нагадаем, Макаеў быў затрыманы вечарам 27 ліпеня пасля чарговай малітвы за палітзняволеных каля касцёла Святых Сымона і Алены (Чырвоны касцёл) на плошчы Незалежнасці. Паплечнікі Макаева звязалі яго затрыманне з тым, што падчас малітвы ён трымаў бел-чырвона-белы сцяг.


Наступным днём у судзе Маскоўскага раёна Мінска суддзя Максім Сушко прызнаў актывіста вінаватым на падставе арт. 17.1 (дробнае хуліганства) нібыта за нецэнзурную лаянку і арт. 23.34 (непадпарадкаванне законнаму распараджэнню або патрабаванню службовай асобы пры выкананні ёю службовых паўнамоцтваў) Кодэкса аб адміністрацыйных правапарушэннях Беларусі. Згодна з кожным артыкулам Макаеву прызначылі 10 сутак арышту, а выніковы тэрмін быў вызначаны шляхам частковага складання пакаранняў.

прыняцьця Дэклярацыі пра дзяржаўны сувэрэнітэт Беларусі.

gdb.rferl.org__f2f57dd6_7c5f_4_af39bac7e3066c49b3f839650bd586f6.jpeg

 

gdb.rferl.org__30c238f3_1636_4_fa71c77ac273c0bcca56b6782e5155a1.jpeg

 

gdb.rferl.org__8ec5d295_e173_4_80922d5d8e5d85562f22c99833e67ae1.jpeg


Захар Шчарбакоў, БелаПАН
Фота www.svaboda.org