ЮНІСЕФ: Больш за траціну беларускіх бацькоў маюць прыкметы дэпрэсіі

Больш за траціну беларускіх бацькоў маюць прыкметы дэпрэсіі, кожны шосты — у яе ўмеранай, сярэдняй або цяжкай форме.

Такія дадзеныя ўтрымліваюцца ў першай хвалі анлайн-даследавання, праведзенага ў Беларусі Дзіцячым фондам ААН (ЮНІСЕФ) пры фінансавай падтрымцы Сусветнага банка.
Яно прысвечана ўплыву пандэміі COVID-19 на сем'і з дзецьмі ў краіне. Апытанне праводзілася 27-29 красавіка 2020 года і ахапіла 1006 сем'яў па ўсёй Беларусі.
Як адзначаецца ў даследаванні, эканамічныя праблемы сталі вызначальным фактарам, які ўплывае на псіхалагічны стан беларусаў. Бацькі, чый даход значна скараціўся, часцей за іншых пакутуюць ад дэпрэсіі: 25% з іх маюць ўмераны, сярэднюю ці цяжкую форму дэпрэсіі, у параўнанні з 12% бацькоў, чый прыбытак не змяніўся. Дэпрэсія больш выяўлена ў жыхароў малых гарадоў, чым у жыхароў буйных. Існуе і пазітыўны бок: калі сям'я займаецца спортам ці выконвае фізічныя практыкаванні, тым менш дзеці і дарослыя ў ёй схільныя дэпрэсіі.

Нягледзячы на ​​тое, што 57% бацькоў сутыкнуліся са зніжэннем даходу, дзве траціны бацькоў упэўненыя, што насельніцтва трэба ў першую чаргу абараняць ад эпідэміялагічных рызык. Тым не менш, тыя бацькі, чый даход значна знізіўся, часцей адзначаюць неабходнасць эканамічных мер (30% у параўнанні з 19% у тых, чый прыбытак знізіўся нязначна або застаўся ранейшым).
У цэлым, як гаворыцца ў даследаванні, крызіс у Беларусі значна ўплывае на сем'і з дзецьмі: кожны другі з бацькоў быў вымушаны адкласці куплю адзення, кожны чацвёрты — эканоміць на ежы. Толькі менш за траціну не змянілі сваіх паводзін.

Паводле thinktanks.by