Класкоўскі: Галоўным аргументам уладаў становіцца важкі кулак

Палітычны аглядальнік аналізуе ход выбарчай кампаніі ў Беларусі.

«Прадугледжаная законам працэдура збору подпісаў раптам ператварылася ў імправізаваны вотум недаверу чалавеку, які кіруе краінай ужо 26-ы год і не жадае сыходзіць», — піша Аляксандр Класкоўскі ў сваім Тэлеграм-канале.
Паводле яго слоў, паказальна, што многія простыя грамадзяне «не толькі скардзяцца на жыццё, але і загаварылі аб зацісканні правоў і свабод, сталі патрабаваць сумленных выбараў».
«У прыціснутую несвабодай Беларусь вярнулася палітыка», — адзначае эксперт.
На думку Класкоўскага, такая сітуацыя «не пакідае дзейнаму прэзідэнту добрага выбару».
«Але не думаю, што ён ірве на сабе валасы ад безвыходнасці. Добра навучаныя і экіпіяваныя сілы дастаткова. У прынцыпе сваю няхітрую тактыку ў гэтай кампаніі Лукашэнка, падобна, ужо абраў. Гульня ў кошкі-мышкі згортваецца. Ён аддасць перавагу задушэнню пратэстаў зараз, пакуль яны не разгарэліся», — лічыць эксперт.
Пры гэтым Лукашэнка нават гатовы да вяртання санкцый і згортвання фінансавай дапамогі з боку Захаду, «але ўлада вышэй за ўсё».
«І таму не да вытанчанасці. Як галоўны аргумент на гэтых выбарах рэжым гатовы прад'явіць і ўжо прад'яўляе важкі кулак», — піша палітаглядальнік.
Прэзідэнцкія выбары адбудуцца ў Беларусі 9 жніўня.
Паводле udf.by