Старажытнае кельцкае пахаванне знойдзена ў Германіі

Нямецкія археолагі распавялі аб пахаванні кельцкай жанчыны, якое было выяўлена падчас раскопак каля горада Кірххайм-унтэр-Тэкэ ў федэральнай зямлі Бадэн-Вюртэмберг.

Навукоўцы павінны былі правесці выратавальныя раскопкі на ўскраіне горада, дзе была намечана новая забудова. Яны планавалі атрымаць усе парэшткі неалітычнага паселішча, пра існаванне якога ў гэтым месцы было вядома даўно. Але нечакана яны выявілі больш позні помнік — магілу кельцкіх часоў. 

З-за высокага ўтрымання вапны ў глебе шкілетныя парэшткі не захаваліся. Але размяшчэнне пахавальнага інвентара дазволіла археолагам зрабіць некаторыя высновы аб кампаноўцы пахавання. Пры першапачатковым аглядзе там, дзе павінна была размяшчацца галава, знайшлі тры залатыя кольцы. Верагодна, гэта былі завушніцы ці скроневыя кольцы. Таксама там знаходзіліся два круглых прадмета з золата, якія былі часткамі галаўнога ўбору. У магіле знаходзіліся бронзавыя сандалі і бранзалет, упрыгожаны бісерам з гагат. Стыль залатых упрыгожванняў дазваляе датаваць пахаванне прыкладна 500 годам да н.э. У 1978 году недалёка ад Кірххайма, у Хохдорфе, было знойдзена вельмі багатае мужчынскае кельцкае пахаванне той жа эпохі. 

Археолагам вядома не так шмат пахаванняў кельцкіх жанчын гэтага часу, яшчэ меншая іх колькасць суправаджаецца гэткімі багатымі пахавальнымі ўпрыгожваннямі. Па змене колеру глебы навукоўцы ўсталявалі, што раней гэтая магіла знаходзілася ў кургане, які не захаваўся да нашага часу. Сляды яшчэ двух курганоў былі адзначаны побач, але ў іх не выявілася ні парэшткаў, ні якіх-небудзь прадметаў. 

Каб не прапусціць мікраскапічныя фрагменты арганічнага матэрыялу з пахавання ці драбнюткія часткі старажытных вырабаў, археолагі вынялі цалкам вялікі блок глебы вагой больш за 500 кілаграмаў і перавезлі яго лабараторыю Дзяржаўнага ўпраўлення аховы прыроды ў Эслінгене. Там яны літаральна па пясчынках разабралі ўсю прывезеную зямлю. Сярод інструментаў, якімі карысталіся для гэтага навукоўцы, былі нават іголкі дзікабраза. У выніку ў агульнай складанасці археолагі знайшлі шэсць залатых кольцаў і тры круглых фрагмента ліставога золата. Знаходкі плануюць выставіць у гарадскім музеі.

Паводле Pro Science