Дэльфіны, якія выкінуліся на бераг Новай Зеландыі сплылі падчас прыліву

200 з 240 дэльфінаў-грынд, якія 11 лютага выкінуліся на бераг мыса Фаруэл ў Новай Зеландыі, змаглі сплысці падчас начнога прыліва. Аднак яны застаюцца на плыткаводдзі і не сыходзяць на вялікую глыбіню, паведамляе ТАСС са спасылкай на прадстаўніка прыродаахоўнага ведамства краіны Херб Крыстаферсэн.

Раніцай на мыс Фаруэл прыбылі добраахвотнікі-ратавальнікі, якія спадзяюцца дапамагчы 17 жывым грындам, якія застаюцца на беразе, сысці ў акіян падчас новага прыліву. Як адзначыў Крыстаферсэн, добраахвотнікаў, каб справіцца з гэтай задачай, дастаткова.
У ноч з 9 на 10 лютага на бераг мыса Фаруэл выкінуліся 416 дэльфінаў-грынд. Больш за 300 з іх загінулі на наступны дзень. У суботу да таго ж месца падышла новая зграя, падчас прыліву ратавальнікі здолелі вывесці да яе на глыбіню амаль 80 аслабленых жывёл. Але ў той жа дзень на бераг у размешчаным непадалёк раёне выкінуліся яшчэ 240 дэльфінаў.
Увесь гэты час на мыс Фаруэлл прыязджалі сотні людзей, яны хавалі грынд пад кавалкамі тканіны і палівалі іх вадой, каб зберагчы ад сонечных прамянёў. З-за вялікага наплыву жадаючых дапамагчы жывёлам на мясцовых дарогах паўсталі вялікія коркі.
Новая Зеландыя часта становіцца месцам, дзе кіты і дэльфіны выкідваюцца на бераг. Аднак, паводле папярэдніх дадзеных, падзеі апошніх дзён на мысе Фаруэл сталі адным з самых маштабных выпадкаў выкіду на бераг марскіх млекакормячых за ўсю гісторыю назіранняў у Новай Зеландыі.
Да гэтага часу навукоўцы не могуць даць дакладнага адказу, што можа быць прычынай падобных масавых самагубстваў кітападобных, якія час ад часу адбываюцца ў розных кутках зямнога шара. Як правіла, калі адзін дэльфін выкідваецца на бераг, то іншыя са зграі спрабуюць яму дапамагчы і ў выніку падзяляюць яго лёс.
Паводле novayagazeta.ru