Дыпламаты з Дзярждэпу ЗША заклікаюць да ўдараў па рэжыму Асада

Дзясяткі супрацоўнікаў Дзярждэпа ЗША падпісалі мемарандум з крытыкай палітыкі ўласнай урада ў дачыненні да Сірыі. Яны лічаць, што па войсках Башара Асада трэба нанесці ваенныя ўдары.

Больш за 50 дыпламатаў з Дзярждэпартамента ЗША падпісалі мемарандум для ўнутранага карыстання з рэзкай крытыкай палітыкі адміністрацыі прэзідэнта ЗША Барака Абамы ў дачыненні да Сірыі. Яны заклікалі ЗША нанесці ваенныя ўдары па войсках прэзідэнта Сірыі Башара Асада, каб, як было заяўлена, спыніць пастаянныя парушэнні дамовы пра спыненне агню сірыйскім рэжымам. Пра гэта ў чацвер, 16 чэрвеня, паведаміла газета "The New York Times" са спасылкай на копію мемарандума, якая ёсць у яе распараджэнні.

Падпісанты дакумента, сярод якіх дыпламаты высокага рангу, канстатуюць, што амерыканская палітыка буксуе з-за бесперапыннага гвалту ў Сірыі і заклікаюць да "разумнага выкарыстання зброі, якая ўжываецца па-за зонай дасяжнасці сродкаў паражэння і сродкаў паветранага нападу", што, на іх думку, "умацуе і забяспечыць больш сфакусаваны і прагматычны дыпламатычны працэс пад кіраўніцтвам ЗША", паведамляе www.dw.com

Дыпламаты, у прыватнасці, прапануюць ужываць супраць войскаў Асада ракеты, беспілотнікі і, у выпадку неабходнасці, авіяцыю.

Прадстаўнік Дзярждэпартамента Джон Кёрбі прызнаў, што яго ведамства атрымала ад групы дыпламатаў пасланне, у якім выказана нязгода з палітыкай Абамы ў Сірыі, аднак адмовіўся паведаміць пра яго змест.

Дзяржсакратар Джон Кэры заявіў раніцай 17 чэрвеня, што яшчэ не бачыў ліст, але паважае меркаванне дыпламатаў і абмяркуе іх зварот, калі вернецца ў Вашынгтон.

Паводле паведамлення Дзярждэпу, мемарандум быў накіраваны па ўнутраным канале, які выкарыстоўваецца для перадачы альтэрнатыўных меркаванняў кіраўніцтву ведамства. Гэта дазваляе дыпламатам крытыкаваць палітыку Белага дома, не асцерагаючыся негатыўных наступстваў для сябе. Джон Кёрбі сказаў, што дзяржсакратар Джон Кэры высока шануе гэты канал сувязі, аднак не ўдакладніў, ці лічыць ён крытыку дыпламатаў апраўданай. Паводле яго слоў, гэты мемарандум спачатку варта ўважліва вывучыць.