Савет Еўропы не ўхваляе планы Турцыі вярнуць смяротнае пакаранне

Генеральны сакратар Савета Еўропы крытыкуе планы аб увядзенні смяротнага пакарання ў Турцыі. Краіны-сябры Савета Еўропы ўзялі на сябе абавязак не ўжываць смяротнае пакаранне, заявіў генеральны сакратар арганізацыі. Федэрыка Магерыні заклікае Турцыю выконваць прынцыпы прававой дзяржавы.

Федэрыка Магерыні, Вярхоўны прадстаўнік Еўрасаюза па знешняй палітыцы і палітыцы бяспекі, адзначыла: "Няма ніякіх апраўданняў для крокаў, якія краіна можа здзейсніць у процілеглы бок".
У Савеце Еўропы рэзка крытыкуюць дыскусіі ў Турцыі наконт магчымага ўвядзення смяротнага пакарання. "Ні адна з дзяржаў-сябраў Савета Еўропы не мае права прымяняць смяротнае пакаранне. Гэта абавязак, які адпавядае статуту Савета Еўропы", — заявіў генеральны сакратар арганізацыі Турб'ерн Ягланд у інтэрв'ю газеце “Tagesspiegel”, выпуск якой выйшаў у свет у панядзелак, 18 ліпеня. Ягланд нагадаў, што Турцыя ратыфікавала два пратаколы Рады Еўропы, у якіх ўвядзенне смяротнага пакарання не дапускаецца "ні пры якіх абставінах", паведамляе www.dw.com
Федэрыка Магерыні адзначыла, што прынцыпы прававой дзяржавы і дэмакратычныя асновы павінны выконвацца, у прыватнасці, "на карысць самой краіны", і міністры дзяржаў ЕС маюць намер у сувязі з гэтым данесці да Турцыі "дакладнае пасланне".
У ноч на 16 ліпеня ў Турцыі адбылася спроба ваеннага перавароту, у выніку якой загінулі каля 300 чалавек. Больш за 6 000 чалавек арыштаваныя.
У нядзелю Рэджэп Эрдаган выступіў перад сваімі прыхільнікамі каля рэзідэнцыі ў Стамбуле. Яго прамова пастаянна перарывалася выкрыкамі з натоўпу «Мы хочам [вярнуць] пакаранне смерцю». У адказ на гэта прэзідэнт Эрдаган сказаў: «Мы чуем ваша патрабаванне. У дэмакратычнай краіне, калі народ чаго-небудзь хоча, ён гэта атрымлівае», паведамляе spring96.org.

Эрдаган таксама сказаў, што правядзе кансультацыі з апазіцыйнымі партыямі наконт вяртання смяротнага пакарання, але пры гэтым падкрэсліў: «Мы не будзем надоўга адкладаць гэтае рашэнне. Тыя, хто спрабуе зрабіць пераварот, павінны за гэта паплаціцца».

Дэпутаты ад кіруючай Партыі справядлівасці і развіцця вырашылі ўнесці на разгляд парламента дакумент пра вяртанне смяротнага пакарання ў дачыненні да ўдзельнікаў дзяржаўнага перавароту.
Апошні смяротны прысуд у Турцыі быў прыведзены ў выкананне ў 1984 годзе. У 2004 годзе смяротнае пакаранне ў краіне была скасаванае ў рамках спробаў Турцыі ўступіць у Еўрасаюз.