У Брытаніі памілавалі некалькі тысяч асуджаных за гомасексуалізм

Тысячы гомасексуальных і бісексуальных мужчын, асуджаных за сексуальныя кантакты з мужчынамі ў Англіі і Уэльсе, былі пасмяротна памілаваныя.

Зацвярджэнне так званага закона Алана Цьюрынга азначае, што з 49 тысяч мужчын будуць знятыя абвінавачванні ў дзеяннях, якія больш не лічацца незаконнымі.
Цяпер асуджаныя за гомасексуалізм таксама маюць магчымасць ачысціць сваё імя, прайшоўшы юрыдычную працэдуру, падчас якой запіс аб іх судзімасці выдаляецца з архіваў.
Аб падрыхтоўцы памілавання паведамілі яшчэ ў мінулым годзе, аднак цяпер закон нарэшце атрымаў афіцыйную каралеўскую санкцыю і ўступіў у сілу.
Рашэнне памілаваць асуджаных геяў было прынята пасля апраўдання матэматыка Алана Цьюрынга, падчас Другой сусветнай вайны які ўнёс вырашальны ўклад ва ўзлом шыфраў, генераваных нямецкай машынай «Энігма».
«Вельмі важна апраўдаць людзей, асуджаных па гістарычных артыкулах пры сексуальных парушэннях, якія сёння не палічылі б вінаватымі ні ў якіх злачынствах», — заявіў, каментуючы рашэнне, тагачасны намеснік міністра юстыцыі Сэм Джыіма.
Пасля вайны Цьюрынг быў асуджаны за гомасексуалізм. У 1952 годзе суд абавязаў яго прайсці гарманальную тэрапію, што прыніжала сексуальную цягу.
У чэрвені 1954 года, ва ўзросце 41 года, Цьюрынг быў знойдзены мёртвым са слядамі атручвання цыяністым каліем.
Кампанія за поўную рэабілітацыю Цьюрынга працягвалася некалькі гадоў. Ва ўрад было пададзена дзве петыцыі з просьбай памілаваць навукоўца.
Міністры спачатку адмаўляліся гэта зрабіць. Яны выказвалі шкадаванне вынесеным прысудам, але падкрэслівалі, што рашэнне суда грунтавалася на законах, якія дзейнічалі ў той час.
У снежні 2013 г. Цьюрынга памілавала каралева Лізавета II.
Сексуальныя кантакты паміж мужчынамі заставаліся крымінальным злачынствам у Англіі і Уэльсе да 1967 года, у Шатландыі — да 1980-га года, а ў Паўночнай Ірландыі — да 1982-га.
Паводле BBC