У М'янме ваенныя захапілі ўладу, абвешчана надзвычайнае становішча

У М'янме ў выніку ваеннага перавароту была затрыманая фактычны кіраўнік краіны Аун Сан Су Чжы. Ваенныя аб'явілі надзвычайнае становішча тэрмінам на адзін год.
Ваенныя ў М&039;янме

Ваенныя ў М'янме

У М'янме адбыўся ваенны пераварот, падчас якога былі затрыманыя міністр замежных спраў і па справах адміністрацыі прэзідэнта, дзяржаўны саветнік Аун Сан Су Чжы, якая лічыцца нацыянальным лідарам і фактычным кіраўніком краіны, і прэзідэнт М'янмы Він М'ін. Пра гэта ў ноч на панядзелак, 1 лютага, паведаміў афіцыйны прадстаўнік кіруючай партыі "Нацыянальная ліга за дэмакратыю".

Дзяржаўны тэлеканал MRTV ў М'янме спыніў вяшчанне "з-за камунікацыйных непаладак". Таксама ў краіне назіраюцца праблемы з падключэннем да інтэрнэту і тэлефоннай сувяззю. Інфармагенцтвы перадаюць, што перад будынкам мэрыі галоўнага горада краіны Рангунам размешчаны дзесяткі салдат. Таксама туды сцягнутыя ваенныя грузавікі.

Уведзена надзвычайнае становішча

Па тэлебачанні была зачытана заява путчыстаў пра тое, што ў М'янме ўводзіцца надзвычайнае становішча тэрмінам на адзін год.

На працягу апошніх дзён палітычнае становішча ў краіне было вельмі напружаным. У грамадстве распаўсюджваліся чуткі аб магчымым ваенным путчы ў сувязі з тым, што ўплывовыя прадстаўнікі ўзброеных сілаў заяўлялі, што лічаць парламенцкія выбары, што прайшлі ў лістападзе 2020, сфальсіфікаванымі.

Паводле афіцыйных вынікаў гэтых выбараў, партыя Аун Сан Су Чжы "Нацыянальная ліга за дэмакратыю" атрымала пераканаўчую перамогу, набраўшы больш за 70 адсоткаў галасоў. Згодна з Канстытуцыяй М'янмы, чвэрць дэпутацкіх месцаў у абедзвюх палатах парламента краіны зарэзерваваная за ваеннымі, якіх прызначае вярхоўны галоўнакамандуючы ўзброеных сіл.

Крытыка ў адрас нацыянальнага лідэра М'янмы Аун Сан Су Чжы

З 1962 года на працягу некалькіх дзесяцігоддзяў формай праўлення ў краіне была ваенная дыктатура. Дэмакратычныя пераўтварэнні пачаліся ў М'янме ў 2011 годзе.

Аун Сан Су Чжы — лаўрэат Нобелеўскай прэміі міру, 15 гадоў яна правяла пад хатнім арыштам. Раней яна лічылася сімвалам дэмакратычных пераўтварэнняў у краіне. Аднак у апошні час палітыка ўсё часцей падвяргаюць крытыцы з сувязі з тым, што яе ўласны стыль кіравання ўсё больш нагадвае аўтарытарны. Адной з падстаў для крытыкі Аун Сан Су Чжы з'яўляецца яе стрыманасць у пытанні парушэння правоў мусульманскай меншасці рахінджа.

dw.com

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: