«На Грамніцы адліга — з ураджаем будзе хвіга». Старажытны абрад правялі на Палессі

У вёсцы Новае Палессе Лельчыцкага раёну адсвяткавалі Грамніцы, як гэта рабілі нашыя продкі стагоддзі таму назад.    



18_640x400.jpg

Унікальнасць абраду ў тым, што ён існуе толькі ў гэтай мясцовасці. Дзякуючы высілкам мясцовага калектыву «Палескія напевы» яго праводзяць кожны год.

Мясцовыя жыхары і ўдзельнікі калектыву, якія захавалі даўнюю традыцыю, абышлі вёску з іконаю, грамнічнымі свечкамі ды старажытнымі песнямі, просячы ў Бога абароны ад зла ды блаславення на добрыя справы.

На абыход вёскі сабраліся амаль усе жыхары селішча. Разам яны танцавалі, вадзілі карагоды. Дзеткі насілі з сабой упрыгожаную яркімі кветкамі елку, якая сімвалізуе вясну. Лічыцца, што калі елка добра ўпрыгожаная, то вясна будзе прыемнай і цёплай.

Удзельнікі абраду распавялі, што агонь на грамнічнай свечцы – святы. Ён не дае ў гэтыя дні ўсялякай нячыстай сіле выклікаць бяду.

belsat.eu__wp_content_uplo_098dc3c756c231e6da0335d01ae0764e.html

  • belsat.eu__wp_content_uplo_cfb7ebe3edb46df314e3d29b3a1fab94.html

  • belsat.eu__wp_content_uplo_45a78950ce4918e05b576209600b7414.html

  • belsat.eu__wp_content_uplo_a03d7efb35ca5eeaf779b9e90477eede.html

  • belsat.eu__wp_content_uplo_737c8856b970f53085de2a411e92a2e5.html

  • belsat.eu__wp_content_uplo_b74a7d9eaab3939beb46417331ef0ff6.html

  • belsat.eu__wp_content_uplo_c49c43d2b8f316068832dee11baedcc7.html

  • belsat.eu__wp_content_uplo_c0bffccb408dc7cd90ab0223b48d4548.html

  • belsat.eu__wp_content_uplo_99549806116795cc36d835d3e8f790ea.html

  • belsat.eu__wp_content_uplo_ee8458cfd703fc53f68d59fc2bb1b431.html

  • belsat.eu__wp_content_uplo_4f57484a3826f9793becbd2c466eb820.html

  • belsat.eu__wp_content_uplo_08cf8ac6d0429e7c1738a5ce7fd29992.html

  • belsat.eu__wp_content_uplo_479030096649fffd9a3c81c404a3d48c.html

  • belsat.eu__wp_content_uplo_38fe97d8a988368a3eb50d7ae8a1d19f.html

  • belsat.eu__wp_content_uplo_4ece55a47faaedc97ee83af57de369e8.html

  • belsat.eu__wp_content_uplo_2d2c52bf9859c3e042f74993e23c730f.html

  • belsat.eu__wp_content_uplo_6be7d780bf08c184a1d66f784fc5dffe.html

  • belsat.eu__wp_content_uplo_be5fc7ff9bc195360f8f9f6bb1127a2e.html

  • belsat.eu__wp_content_uplo_401457132b634ee7ed6d21ec884c8bee.html

  • belsat.eu__wp_content_uplo_9238983be9faeb772f3a3c575e9e1afc.html


    Грамніцы — старажытнае паганскае свята ў гонар агню, якое з прыходам хрысціянства на беларускія землі было адаптаванае да новай рэлігіі. У выніку і да сённяшніх дзён яно спалучае як паганскія, так і хрысціянскія элементы.

    Мяркуецца, што назва «Грамніцы» паходзіць ад імя паганскага бога Грамаўніка (ці Перуна) — бога веснавых навальніц і дажджоў, якія спрыялі ўраджаю. Паводле іншых тэорый, свята паходзіць ад павер’я, што ў гэты дзень Ярыла выпрабоўвае на нячыстай сіле свае стрэлы, таму з гэтага дня цалкам верагодна пачуць першыя грымоты.

    У хрысціянскай традыцыі Грамніцы — гэта ўспамін ахвяравання Божага Сына Ісуса Хрыста ў святыні, якое адбылася на саракавы дзень пасля Раства. У святыні немаўля Ісуса і Ягоную сям’ю спаткаў старац Сімяон. Таму свята часта называюць «Стрэчаннем». У народзе кажуць, што на «Стрэчанне» зіма з вясною спатыкаецца.

    Каталікі адзначаюць Грамніцы 2 лютага, праваслаўныя — 15-га лютага.

    З Грамніцамі беларусы звязваюць мноства народных прыкметаў. Калі ў гэты дзень вялікі мароз, то снег хутка сыдзе, а лета будзе пагодным і сухім. Калі ж у гэты дзень пацяплее, то вясна будзе ранняй, але летам ураджаю не будзе («На Грамніцы адліга — з ураджаем будзе хвіга»).

    Асноўны традыцыйны рытуал на Грамніцы — асвячэнне свечак у святынях. Грамнічныя свечкі запальваюць у выпадку пагрозы небяспекі, хваробы, даюць у рукі хвораму ці чалавеку, які канае, каб яны дапамаглі яму ачуняць ці спакойна перайсці ў лепшы свет.

    Пасля Грамніц традыцыйна пачыналі рыхтавацца да веснавых палявых прац — мужчыны напраўлялі сохі і бароны, а жанчыны сядалі за кросны.

     belsat.eu