Рэпрэсіі дайшлі да ромаў. На Гарадзеншчыне ліквідуюць «абшчыну»
У Гродзенскім абласным судзе 26 траўня пройдзе пасяджэнне аб ліквідацыі раённага грамадскага аб’яднання «Ашмянская цыганская абшчына». У суд па справе арганізацыі выкліканы цыганскі барон.
Прадстаўнікі «Ашмянскай цыганскай абшчыны» выступаюць на Фестывалі нацыянальных культур. Фота «Гродзенскай праўды»
Як паведамляе выданне
hr*dna.life, ісцом па справе з’яўляецца Галоўнае ўпраўленне
юстыцыі Гродзенскага аблвыканкама. Суддзя — Святлана Даўгашэй. Чым цыганы не дагадзілі ўладзе, невядома.
«Ашмянская цыганская абшчына» зарэгістраваная з 2003 года. На 1 студзеня 2022 года ў ёй было 22
чалавекі, у 2014-м — 30.
Публічных мерапрыемстваў апошнім часам яны не праводзілі.
Старшыня абшчыны, ён жа цыганскі барон — Артур Ягораў.
Суполка прывозіла на Фестываль нацыянальных культур у Гродне ансамбль «Джана
Рома». Паводле інфармацыі «Гродзенскай праўды», на Ашмяншчыне жыве больш за 200
прадстаўнікоў народнасці рома. Паводле перапісу насельніцтва 2009 года, у
Беларусі - 7079 прадстаўнікоў.
Варта адзначыць,
што прадстаўнікоў народнасці ў лукашэнкаўскай Беларусі дыскрымінуюць
даўно. Былы міліцыянт з Магілёва яшчэ
ў 2019 годзе распавядаў «Св*бодзе», што ў Міністэрстве ўнутраных спраў нават
ёсць неафіцыйная праграма ў дачыненні да рома, якія пражываюць у Беларусі.
Даследаванне
грамадскай ініцыятывы Romaintegration пацвярджае гэты факт. Паводле іх інфармацыі, 80% прадстаўнікоў рома
ў Беларусі сутыкаліся з затрыманнямі і шматразовай дактыласкапіяй.
Адным з яскравых
пракладаў пераследу цыганоў сталі міліцэйскія рэйды ў мікрараёне Чапаеўка ў
Магілёве ў тым жа 2019 годзе.
Тады ў абласным
цэнты пры загадкавых абставінах загінуў 22-гадовы лейтэнант дарожна-патрульнай
службы ДАІ Яўген Патаповіч. Яго знайшлі мёртвым у лесе. Труп быў у кайданках,
без штаноў, побач — пісталет, абярэмак дроў, рыдлёўка. Следчы камітэт заявіў,
што Патаповіча забілі падчас выканання службовых абавязкаў.
Сілавікі
западозрылі прадстаўнікоў мясцовых рома ў датычнасці да смерці міліцыянта. З афіцыйнага
паведамлення вынікала, што Патаповіча выкралі цыганы на чорнай «Волзе» з расійскімі
нумарамі.
У выніку цягам некалькіх
дзён ў Чапаеўцы, у Магілёве і па ўсёй Беларусі прайшлі масавыя затрыманні
цыганоў. Некаторыя з іх па вызваленні казалі, што міліцыянты іх білі.
Пазней версія з выкраданнем міліцыянта на чорнай «Волзе» перастала лічыцца прыярытэтнай. А ў выніку следства прыйшло да высновы, штобыла вымушана Патаповіч скончыў жыццё самагубствам.
Тагачасны міністр унутраных спраў Ігар Шуневіч пры гэтым назваў абгрунтаванай «праверку» цыганскай супольнасці ў Магілёве і адмовіўся выбачацца перад прадстаўнікамі рома. За яго выбачэнні цаганам прынесла на той момант кіраўніца адміністрацыі Лукашэнкі Наталля Качанава.