Вядомы інфекцыяніст — аб вакцынацыі ад каронавіруса і пра тое, чым будзе прышчапляцца сам

Інфекцыяніст Мікіта Салавей, які да нядаўняга часу займаў пасаду галоўнага пазаштатнага інфекцыяніста камітэта аховы здароўя Менгарвыканкама, правёў чарговы стрым аб вакцынацыі і сітуацыі з COVID-19 у Беларусі, піша TUT.BY.

Падчас яго лекар сказаў, што сам плануе зрабіць прышчэпку ад каронавіруса расійскай вакцынай «Спадарожнік V». Самае важнае з выступу медыка.
Вакцына «Спадарожнік V» прайшла даклінічныя выпрабаванні, тры фазы клінічных выпрабаванняў і цяпер, улічваючы яе шырокае прымяненне, працягваюцца пострэгістрацыйныя даследаванні. Асаблівасць усіх вакцын супраць каронавіруса ў тым, што яны прайшлі выпрабаванні за вельмі кароткі час. Ніводная вакцына еўрапейскага паходжання пакуль не зарэгістраваная ў Беларусі, але, па паведамленнях Міністэрства аховы здароўя, у краіне могуць быць чатыры-шэсць вакцын рознай вытворчасці.
Паводле інфармацыі на выніковай калегіі Міністэрства аховы здароўя, апублікаванай у тэлеграм-канале ведамства, у Беларусі ўжо вакцынавана прыкладна 25 тысяч чалавек. Практычна ўсе яны медыцынскія работнікі, бо медыкі былі групай прыярытэту, якую прышчапляюць у першую чаргу. Яшчэ 40 тысяч вакцын цяпер паступаюць у рэгіёны. З Кітая прыбылі 100 тысяч доз вакцын і чакаецца яшчэ 100 тысяч у сакавіку. У Беларусі будзе вырабляцца разліў «Спадарожнік V» на магутнасцях нашых фармвытворчасцяў. Чаканая колькасць — каля 500 тысяч доз вакцын у месяц. Калі такі прагноз апраўдаецца, то за 12-18 месяцаў можна стварыць у краіне папуляцыйны імунітэт.
Зараз скончаны першы этап вакцынацыі медработнікаў, але вакцынацыя будзе працягвацца. Пачнецца прышчэпачная кампанія іншых груп прыярытэту, а гэта педагогі, работнікі сацабслугоўвання, а далей зрабіць прышчэпку змогуць усе жадаючыя. Калі прагноз планаваных аб'ёмаў імпарту і вытворчасці збудзецца, то ў бліжэйшы месяц не будзе ніякіх праблем атрымаць вакцыну ад COVID-19.
Мы першапачаткова да "спадарожніку V" ставіліся даволі станоўча, але спецыялістаў бянтэжылі некаторыя пытанні, і на трэцяй публікацыі ў часопісе The Lancet з'явіліся адказы на гэтыя пытанні. Мы лічым, што «Спадарожнік V» — высокаэфектыўная і бяспечная вакцына. У Расеі заяўляюць, што ёю вакцынавана 1,5 млн чалавек, у нас — 25 тысяч.
Тым, хто перахварэў на каронавірусную інфекцыю трэба прышчапляцца. Рызыка паўторнага інфікавання ў бліжэйшыя шэсць месяцаў пасля хваробы невысокая, але яна большая, чым у першыя 90 дзён пасля хваробы. Вакцынацыя не проціпаказаная і ў гэтыя першыя 90 дзён.
Пасля вакцынацыі ад каронавіруса могуць быць рэакцыі, як і пасля іншай прышчэпкі. Калі падымаецца на некалькі гадзін або дзён тэмпература, дастаткова піць шмат вадкасці і адзін-два разы выпіць гарачкапаніжальны сродак.
Асноўны шлях перадачы каронавіруса — паветрана-кропельны пры цесным кантакце з ўзбуджальнікам. На паверхнях вірус захоўваецца некалькі гадзін.
Рэальнай лічбы перахварэлых каронавірусной інфекцыяй дзяцей да 6 гадоў не ведае ніхто ва ўсім свеце, таму што ў іх інфекцыя часцей за ўсё працякае бессімптомна. Улічваючы няцяжкасць захворвання, дзеці дашкольнага ўзросту рэдка абследуюцца на COVID-19 і не трапляюць у статыстыку выпадкаў зарэгістраванай інфекцыі.
Вірус змяняецца генетычна, а гэта ўплывае на яго здольнасць распаўсюджвацца і на цяжар формаў захворвання. Сёння мы павінны зразумець, што 2021 год пройдзе як год пандэміі, а ў пачатку 2022 года за кошт пэўнага адсотка перахварэлых і вакцынаваных нам стане з гэтым ўзбуджальнікам жыць прасцей.
Посткавідны сіндром — новая для лекараў праблема. Пакуль ёю займаюцца ўсе, хто лечыць пацыентаў з каронавіруснай інфекцыяй. Пасля хваробы людзі прыходзяць з неўралагічнымі, імуннымі праблемамі.
Толькі я сустрэў каля дзесяці пацыентаў, якія хварэлі на каронавірусную інфекцыю паўторна, і ў іх вірус пацверджаны лабараторна. Але большасць паўторных захворванняў працякалі ў лёгкай форме, толькі два выпадкі — у больш цяжкай, і пацыенты мелі патрэбу ў шпіталізацыі ў параўнанні з першым выпадкам. Але яны не траплялі ў рэанімацыю.
Калі маленькае дзіця захварэла каронавірусам і, маючы клінічныя праявы хваробы, кантактавала з дарослымі, то дарослыя маглі заразіцца. За суткі-паўтара да клінічных сімптомаў ужо вылучаецца вірус і працягвае вылучацца праз сем-восем дзён ад першых сімптомаў.
Каронавірусная інфекцыя можа суправаджацца моцным насмаркам, хоць для класічнай карціны гэта нетыпова.
ПЦР-тэст на каронавірус тэарэтычна можа паказаць няправільны вынік з-за таго, што пры вялікім патоку пацыентаў можа быць пераблытаны ўзор. Гэта бывае вельмі рэдка, і медработнікі шматкроць пераправяраюць прабіркі, кадуюць аналіз у некалькіх месцах, каб не было памылак.
Але ўсюды ёсць чалавечы фактар. У рэдкіх выпадках мы гэтага не выключаем і ўлічваем і наяўнасць сімптомаў, і змены на здымках грудной клеткі або можам пераправерыць вынік тэсту праз тэсты на антыгены і антыцелы, перарабіць ПЦР-тэст. Адсутнасць сімптомаў не дазваляе выключыць каронавірус, таму што ёсць бессімптомная форма захворвання.
У рэанімацыю часцей за ўсё трапляюць людзі з залішняй вагой, цукровы дыябет, пацыенты старэйшага ўзросту, з рознымі формамі імунадэфіцыту.
У другую хвалю пандэміі стала больш пацыентаў ва ўзросце 35-50 гадоў, якія хварэюць больш цяжка, нават не маючы фактараў рызыкі.
Паводле gazetaby.media