Масава адклічуць паслоў з Беларусі? Што яшчэ ў рэзалюцыі Еўрапарламента?

Галасаванне па канчатковаму прыняццю рэзалюцыі
плануецца сёння, 7 кастрычніка, нагавае telegraf.by.

6 кастрычніка Еўрапарламент ухваліў праект рэзалюцыі аб сітуацыі ў Беларусі. Сярод іншага, вымушаную пасадку самалёта Ryanair у Мінску ў ёй назвалі «актам дзяржаўнага тэрарызму».

Галасаванне па канчатковаму прыняццю рэзалюцыі плануецца 7 кастрычніка.

У праекце рэзалюцыі асуджаюцца:

·        «Рэпрэсіі супраць мірнага насельніцтва Беларусі, катаванні і жорсткае абыходжанне, рэпрэсіі ў дачыненні да СМІ і інтэрнэту, а таксама збіццё, арышты і запалохванне журналістаў, блогераў і іншых незалежных асоб у Беларусі».

·        «Палітычныя працэсы і жорсткія і несправядлівыя судовыя рашэнні, нядаўна вынесеныя Марыі Калеснікавай і Максіму Знаку».

·        «Расправа над праваабарончым цэнтрам «Вясна». ЕС заклікае да неадкладнага і безумоўнага вызвалення і зняцця ўсіх абвінавачванняў з праваабаронцаў і валанцёраў «Вясны».

·        «Рэпрэсіі і варожыя дзеянні ўладаў супраць прадстаўнікоў польскай меншасці і польскіх школ у краіне. ЕС заклікае да неадкладнага і безумоўнага вызвалення Анжалікі Борыс, журналіста Анджэя Пачобута і іншых палітычных зняволеных».

Таксама ў дакуменце лічаць «захоп і вымушаную пасадку рэйса Ryanair FR4978 у Мінску актам дзяржаўнага тэрарызму».

Акрамя гэтага ў праекце рэзалюцыі заклікаюць краіны-сябры ЕС «калектыўна абвясціць беларускіх супрацоўнікаў КДБ на тэрыторыі Еўрапейскага саюза персонамі нон-грата», прапануе краінам-сябрам ЕС »адклікаць сваіх амбасадараў з Мінска для кансультацый і адмовіць беларускім дыпламатам у акрэдытацыі пры ЕС».

А яшчэ там гаворыцца пра тэрміновасць «выкрыцця падтрымкі Расіяй гвалту Лукашэнкі супраць народа Беларусі, а таксама яе ўдзелу ў гібрыдных дзеяннях рэжыму Лукашэнкі супраць ЕС, уключаючы выкарыстанне мігрантаў у палітычных мэтах».

Еўрадэпутаты асудзілі кантакты «паміж Лукашэнкам і Пуціным з мэтай падрыхтоўкі дарожных карт для больш глыбокай інтэграцыі паміж Беларуссю і Расеяй, уключаючы прагрэсіўную мілітарызацыю Беларусі». ЕС разглядае гэта як парушэнне суверэнітэту Беларусі.

Еўрапарламент «заклікае разгледзець пытанне аб перадачы справы Беларусі ў Міжнародны Суд на падставе Чыкагскай канвенцыі, Манрэальскай канвенцыі і Канвенцыі супраць катаванняў».

Еўрапарламент «паўтарае свой заклік да мэтавай праграме дапамогі ЕС для дапамогі грамадзянскай супольнасці, незалежным СМІ, акадэмічным колам і беларускай апазіцыі ў выгнанні, а таксама ахвярам палітычных рэпрэсій і гвалту з боку паліцыі і тым, хто бяжыць ад рэпрэсіўнага рэжыму».

Таксама ў праекце рэзалюцыі заклікаюць дзяржавы-сябры ЕС «і далей спрасціць працэдуры атрымання візы і пражывання для тых, хто бяжыць з Беларусі па палітычных матывах або для тых, хто звяртаецца па медыцынскую дапамогу ў выніку гвалту».

Паводле telegraf.by

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: