Грунвальд, Орша: як знакамітыя бітвы бачыць штучны інтэлект
Як выглядалі бітвы, якія адгукаюцца ў сэрцы пачуццём гонару за продкаў? Існуе невялікая колькасць ілюстрацый. Аднак больш падрабязна паглыбіцца ў старажытныя падзеі дазволіў штучны інтэлект. З яго дапамогай мы паспрабавалі ўявіць хвіліны на палях змагання Вялікага Княства Літоўскага. Запрашаем у гераічнае мінулае.
Напачатку падкрэсьлім, што на ідэальнае гістарычнае супадзеньне дэталяў, такіх, як амуніцыя, рэльефы мясцовасьці і сьцены замкаў паўплываць немагчыма, таму пэўныя адхіленьні прысутнічаюць. Зрэшты, дакумэнтальных фотаздымкаў тых падзеяў не існавала, таму і вядомыя дагэтуль выявы бітваў таксама можна разглядаць у пэўнай ступені ўмоўна.
Грунвальдзкая бітва
Гэта была вызначальная бітва Вялікай вайны 1409—1411 гадоў, якая адбылася 15 ліпеня 1410 году паміж саюзным літоўска-польскім і тэўтонскім войскамі.
Саюз Вялікага Княства Літоўскага і Польскага Каралеўства пад кіраўніцтвам вялікага князя Вітаўта і адпаведна караля Ягайлы здабыў вызначальную перамогу над войскам Тэўтонскага ордэну, якое кіравалася вялікім магістрам Ульрыхам фон Юнгінгенам.
Большасьць крыжацкіх рыцараў была забітая або ўзятая ў палон.
Гэта была бітва за выжываньне.
Бітва пад Воршай
Канстантын Астрожскі, кіраўнік арміі ВКЛ
Гэта была найбуйнейшая бітва ў вайне Маскоўскай дзяржавы зь Вялікім Княствам Літоўскім 1512—1522 гадоў, якая адбылася паміж літоўскім і маскоўскім войскамі 8 верасьня 1514 году на паўночным усходзе ад Воршы, на рацэ Крапіўне.
Аршанская бітва — адна з найбуйнейшых бітваў на тэрыторыі Эўропы ў пачатку XVI стагодзьдзя.
Перамога ў ёй дала Вялікаму Княству Літоўскаму магчымасьць вярнуць захопленыя супраціўнікам Дуброўна, Амсьціслаў і Крычаў.
Больш цікавых малюнкаў можна знайсьці ў адмысловым Instagram — Беларусь Мінулая.