Амерыканскія ўніверсітэты страсаюць антысеміцкія пратэсты

Пратэсты ўяўляюць сабой сур'ёзную праблему для адміністрацыі ўніверсітэтаў, якія спрабуюць, з аднаго боку, захаваць свабодную акадэмічную дыскусію, а з другога — не дапусціць распальвання нянавісці.

Маштабныя пратэсты супраць дзеянняў Ізраіля ў Газе не сціхаюць у кампусах амерыканскіх універсітэтаў. Удзельнікі пратэстных акцый патрабуюць ад універсітэтаў спыніць прымаць ахвяраванні ад абаронных і іншых кампаній, якія вядуць бізнэс з Ізраілем, піша «Русская служба BBC».

За апошні тыдзень паліцыя затрымала больш за 500 чалавек на прапалестынскіх дэманстрацыях.

Пратэсты ўяўляюць сабой сур'ёзную праблему для адміністрацыі ўніверсітэтаў, якія спрабуюць, з аднаго боку, захаваць свабодную акадэмічную дыскусію, а з другога — не дапусціць распальвання нянавісці.

Гарачыя спрэчкі аб дзеяннях Ізраіля ў Газе і свабодзе слова ахапілі студэнцкія мястэчкі ЗША пасля нападу ХАМАС на Ізраіль 7 кастрычніка. З таго часу, як кажуць студэнты, пачасціліся выпадкі антысемітызму і ісламафобіі.

Маштабныя пратэсты ўзмацніліся ў апошнія некалькі дзён і зараз ахопліваюць усё большую колькасць кампусаў.

Пратэстны рух апынуўся ў цэнтры ўвагі на мінулым тыдні пасля таго, як у кампус Калумбійскага ўніверсітэта прыйшлося выклікаць паліцыянтаў, якія затрымалі больш за 100 дэманстрантаў.

З тых часоў геаграфія дэманстрацый і сядзячых забастовак пашырылася, і пратэсты студэнтаў праходзяць у Нью-Йоркскім, Ельскім, Калумбійскім універсітэтах, Гарвардзе, Каліфарнійскім універсітэце ў Берклі, Масачусецкім тэхналагічным інстытуце, Мічыганскім універсітэце, Эмерсан-каледжы і Універсітэсце Тафта іншых ВНУ па ўсёй краіне.

Антысэмітызм захоплівае сьвет. «Няхай Бог пашкадуе Гітлера, калі зямля ачысьціцца ад габрэяў, будзе мір»

У кампусах пратэстоўцы ўсталявалі намётавыя лагеры, праводзяць сядзячыя забастоўкі і дэманстрацыі.

Адміністрацыі ўніверсітэтаў называюць пратэсты незаконнымі і патрабуюць ад студэнтаў разысціся.

У некаторых выпадках на дапамогу прызываецца паліцыя.

Паліцыянты разганяюць намётавыя лагеры і затрымліваюць пратэстоўцаў.

За апошнія некалькі дзён былі затрыманыя сотні студэнтаў-актывістаў у розных кампусах — па дадзеных Reuters, усяго было затрымана не менш за 550 чалавек. Усім ім уручаюць позвы і пазней вызваляюць.

Аднак былі і выпадкі жорсткага разгону з ужываннем слезацечнага газу і тазераў, і сутыкненняў паміж паліцыянтамі і актывістамі.

Ізраіль 6 месяцаў у вайне супраць ХАМАС: што далей?

Барацьбіты за грамадзянскія правы раскрытыкавалі залішняе прымяненне сілы паліцыяй.

«Ужыванне сілы варта разглядаць толькі як крайнюю меру і павінна быць суразмерна створанай пагрозе», – заявіў у лісце прэзідэнт грамадскай арганізацыі NAACP Джэральд Грыгс.

Кіраўніцтва ўніверсітэтаў спрабуе знайсці тонкую грань паміж павагай свабоды слова і бяспекай.

Раней у Калумбійскім універсітэце адмянілі вочныя заняткі, а ва Універсітэце Паўднёвай Каліфорніі, дзе ў сераду ў кампусе ў Лос-Анджэлесе былі затрыманыя 93 чалавекі, адміністрацыя адмяніла асноўную выпускную цырымонію 10 траўня.

Калумбійскі ўніверсітэт спачатку спрабаваў здушыць пратэст сілай і з дапамогай паліцыянтаў пазбавіцца ад намётавага лагера, чым выклікаў гнеў шматлікіх праваабарончых груп, студэнтаў і выкладчыкаў. Пратэстоўцаў разагналі і затрымалі, але праз некалькі дзён намётавы лагер быў ізноў усталяваны.

Цяпер прадстаўнікі ўніверсітэта праводзяць мірныя перамовы са студэнтамі.

«Перамовы ідуць, ёсць зрухі. У нас ёсць свае патрабаванні; у іх свае», — пракаментавала прэзідэнт Калумбійскага ўніверсітэта Мінуш Шафік.

У размове з агенцтвам AFP студэнтка на імя Мімі апісвае, што адбылося за апошні тыдзень у намётавым лагеры Калумбійскага ўніверсітэта, дзе яна знаходзіцца.

«Яны называюць нас тэрарыстамі і абвінавачваюць нас у гвалце. Але гэта яны выклікалі паліцыю, калі студэнты проста спакойна сядзелі», — кажа дзяўчына. «У паліцыі ёсць зброя, у паліцыі ёсць тазеры, у нас жа — толькі нашы галасы».

Студэнты, якія пратэстуюць, кажуць, што такім чынам выказваюць салідарнасць з палесцінцамі ў Газе, а таксама заклікаюць адміністрацыі прэзідэнтаў раскрыць інфармацыю пра свае «фінансы і ахвяраванні ад вытворцаў зброі і кампаній, зацікаўленых у ізраільскай акупацыі».

Куды мы ідзем? У сусьветныя трэнды выплыў бэн Ладэн, мільёны людзей апраўдваюць ягоны тэрор 9 верасьня 2001 году

Антысемітызм

Студэнты-габрэі скардзяцца, што крытыка дзеянняў Ізраіля ў Газе нярэдка пераходзіць у антысемітызм, а самі яны не адчуваюць сябе ў бяспецы. Рабін пры Калумбійскім універсітэце раней параіў студэнтам-габрэям часова пазбягаць кампуса.

Студэнты-актывісты абвінавачанні ў антысемітызме адмаўляюць і сцвярджаюць, што крытыкуюць толькі ізраільскую дзяржаву і яе прыхільнікаў.

Human Rights Watch і Амерыканскі саюз грамадзянскіх свабод асудзілі арышт пратэстоўцаў і заклікалі ўлады паважаць іх правы на свабоду слова.

Але некаторыя рэспубліканцы ў Кангрэсе абвінавацілі адміністрацыю ўніверсітэтаў у тым, што тыя дазваляюць прыгнятаць габрэйскіх студэнтаў.

У апошнія некалькі дзён у некалькіх кампусах прайшлі і контрпратэсты — тых, хто падтрымлівае Ізраіль.

Павярнуўшыся ў ізраільскія і амерыканскія сцягі, пратэстоўцы прамаршыравалі па вуліцах, якія атачаюць кампус Калумбійскага ўніверсітэта, размахваючы сцягамі.

Пратэсты — візітная картка дэмакратыі

Прэзідэнт ЗША Джо Байдэн на гэтым тыдні сказаў, што асуджае як «антысеміцкія пратэсты», так і «тых, хто не разумее, што адбываецца з палестынцамі».

75 гадоў пасьлядоўнай адмовы ад міру. Дык за што змагаюцца палестынцы?

Дзяржсакратар ЗША Энтані Блінкен назваў студэнцкія пратэсты праявай дэмакратыі, але раскрытыкаваў студэнтаў за тое, што на сваіх дэманстрацыях яны мала гавораць аб ролі ХАМАС у канфлікце.

Пратэсты ён назваў «візітнай карткай нашай дэмакратыі» — «нашы грамадзяне ў любы момант могуць заявіць аб сваіх поглядах, трывогах і гневе», адзначыў ён.

Ён дадаў, што пратэстоўцы на дэманстрацыях не абвінавачваюць ХАМАС, нібыта групоўка не адыгрывала ключавой ролі ў цяперашнім канфлікце.