Настырныя Кенэдзі. Дасье ў карыкатурах

Роберт Кенэдзі (малодшы пляменнік забітага прэзідэнта ЗША Джона Кенэдзі) 19 красавіка падаў заяўку на ўдзел у прэзідэнцкіх выбарах 2024 года ад дэмакратаў. Гэта чарговая спроба прадстаўніка, напэўна, самай вядомай палітычнай дынастыі ў ЗША вярнуцца ў Белы дом.

Кенэдзі заклікае амерыканцаў «спытаць у сябе — як Дональд Трамп мог трапіць у Белы Дом?»

Кенэдзі заклікае амерыканцаў «спытаць у сябе — як Дональд Трамп мог трапіць у Белы Дом?»


Наогул родапачынальнікам дынастыі Кенэдзі лічыцца Патрык Кенэдзі, які жыў у XIX стагоддзі. Але ў прынцыпе большасць людзей вядзе радавод ад Джона Кенэдзі — 35-га прэзідэнта ЗША, які быў забіты ў 1963-м.

Мусіць, кожны чалавек у свеце чуў гэтае прозвішча. У гонар 35-га прэзідэнта Амерыкі названа вялізная колькасць вуліц і ўстаноў Злучаных Штатаў. А само забойства Джона Кенэдзі да гэтага часу прыцягвае ўвагу даследчыкаў.

Не дзіўна, што персанаж Кенэдзі часта з'яўляецца ў сучасных карыкатурах. Напрыклад, на карыкатуры мастака Піцера Шранка (уверсе) Кенэдзі перафразуе сваю вядомую фразу: «Не пытайся, што твая краіна можа зрабіць для цябе. Спытай сябе, што ты можаш зрабіць для яе». У новым варыянце Кенэдзі заклікае амерыканцаў «спытаць у сябе — як Дональд Трамп мог трапіць у Белы Дом?»

Варта адзначыць, што сваім пазітыўным шармам Джон Кенэдзі шмат у чым абавязаны сваёй жонцы Жаклін Кенедзі — першай лэдзі ЗША з 1961 па 1963 год. Яна была адной з самых папулярных жанчын свайго часу, заканадаўцай моды, гераіняй свецкай хронікі. Акрамя таго, яна перабудавала Белы Дом.

Папулярнасць Жаклін таксама дапамагала адміністрацыі Кенэдзі — адцягвала ўвагу прэсы ад відавочных правалаў мужа. Гэты аспект арыгінальна падкрэсліў карыкатурыст Дэйв Грубер. На яго малюнку Жаклін дэкарыруе сцяну ў Белым Доме, на якой намаляваны графіці пра самыя вядомыя палітычныя скандалы часоў прэзідэнцтва Джона Кенэдзі.

2_651.jpg


Пасля забойства Джона Кенэдзі ўсе позіркі былі звернутыя на яго брата Роберта Кенэдзі, які займаў пасаду генпракурора. Бобі заўсёды падтрымліваў нябожчыка-брата ў яго палітычнай дзейнасці. У 1968 годзе ён вырашыў прыняць удзел у прэзідэнцкай гонцы і працягнуць яго справу. Аднак смерць брата моцна змяніла Роберта і паўплывала на яго палітычную пазіцыю. На выбары ён пайшоў як рамантык-ідэаліст. У яго прамовах гучалі выказванні аб пабудове грамадства, заснаванага на маральных прынцыпах.

Пакуль эксперты спрачаліся, ці можа Роберт Кенэдзі перамагчы з такой позвай, здарылася трагедыя. 5 чэрвеня 1968 года Роберт Кенэдзі быў смяротна паранены стрэлам палестынскага тэрарыста ў адным з гатэляў Лос-Анджэлеса. На наступны дзень, 6 чэрвеня, ён памёр, застаўшыся ў памяці амерыканцаў палітыкам, які вельмі хацеў стаць выразнікам думак як мага больш людзей. Што, уласна, ілюструюць прысвечаныя Роберту малюнкі. Малюнак з рэсурсу Political Cartoonsartoons.

3_584.jpg


Наступным з сямейства Кенэдзі, хто паспрабаваў вярнуцца ў Авальны кабінет, стаў Эдвард Кенэдзі — яшчэ адзін брат Джона Ф. Кенэдзі. Ён балатаваўся ў 1980 годзе на прэзідэнцкіх праймерыз сярод дэмакратаў, але прайграў Джымі Картэру.

У многім перспектывы Эдварда падкасіў загадкавы інцыдэнт на востраве Чаппаквідык. Увечары 18 ліпеня 1969 года Кенэдзі (ён быў на той час сенатарам) знаходзіўся там на вечарынцы, якую пакінуў разам з адной з удзельніц. Праязджаючы па мосце, Эдвард не справіўся з кіраваннем, і яго машына ўпала ў ваду. Эдвард здолеў выратавацца, пакінуўшы дзяўчыну ў затопленай машыне. Пасля чаго прызнаў сябе вінаватым па абвінавачанні ў тым, што пакінуў месца здарэння, і атрымаў двухмесячны ўмоўны тэрмін.

Гэты інцыдэнт і яго наступствы (чуткі пра тое, што дзяўчына была палюбоўніцай палітыка, ад якой ён хацеў пазбавіцца) відавочна перашкодзілі яго шанцам стаць прэзідэнтам. Праціўнікі Эдварда ахвотна выяўлялі яго як забойцу і гвалтаўніка, што можна пабачыць на карыкатурах у час кампаніі 1980 года.

4_547.jpg


І вось на гарызонце чарговы Кенэдзі, які вырашыў стаць гаспадаром Белага Дома. Дзейнаму прэзідэнту Джо Байдэну кінуў выклік Роберт Кенэдзі-малодшы.

Амерыканскія СМІ пакуль скептычна ацэньваюць шанцы Роберта выйграць намінацыю кандыдата у прэзідэнты ад дэмпартыі ў Байдэна. Роберт Кенэдзі-малодшы вядомы як праціўнік вакцынацыі (любімая фішка многіх рэспубліканцаў) і прафан у гісторыі (ён назваў Ганну Франк ураджэнкай Германіі). Паводле звестак новага нацыянальнага апытання, толькі 14% прыхільнікаў дэмакратаў гатовы падтрымаць Кенэдзі ў 2024 годзе.

Але не варта загадзя лічыць Роберта прайгралым. У яго ёсць імя, ёсць уплыў як мінімум у сваім штаце Масачусэтс, ёсць уплывовыя знаёмыя і сувязі ў Вашынгтоне. На яго карысць не вельмі высокі рэйтынг Байдэна. І, нарэшце, у яго ёсць такі джокер, як усенародная любоў на адрас Джона і Роберта Кенэдзі. На думку карыкатурыста Бено Сарсана, на спадчыне братоў-нябожчыкаў наваяўлены кандыдат і будзе рабіць стаўку.

5_505.jpg


Нарэшце, варта ўзгадаць адзін незвычайны фактар, у які, як ні дзіўна, шмат хто верыць. Гаворка пра так званы «праклён Кенэдзі» — азначэнне, якое выяўляе высокую колькасць загінулых у выніку забойстваў і трагічных здарэнняў членаў сям'і Кенэдзі.

Чаго толькі не здаралася з сябрамі клана Кенэдзі за апошнія прыкладна 70 гадоў: смерць наступала ў выніку авіякатастроф, аварый, замахаў, перадазіровак наркотыкамі, катанні на лыжах, хірургічных аперацый і гэтак далей. Спіс такі вялізны, што аматары гумару, безумоўна, не маглі прайсці міма. На гэтай фотажабе прадстаўнік сям'і Кенэдзі хаваецца ад забойцы па імені «жыццё».

6_377.jpg


Застаецца спадзявацца, што «праклён Кенэдзі» сябе не праявіць, і мы станем сведкам цікавых выбараў, чые вынікі, дарэчы, з прычыны статусу ЗША ў свеце, безумоўна, паўплываюць і на беларускія рэаліі.