«Расійскія і грузінскія спецслужбы сёння працуюць сінхронна»
Улады Грузіі заявілі, што на заснавальніка кіруючай партыі Бідзіну Іванішвілі рыхтавалі замах. Каля 300 байцоў «Грузінскага легіёна», які ваюе ў складзе УСУ, абвясцілі ў вышук. Што адбываецца?
Іванішвілі. David Mdzinarishvili/Reuters
На жыццё заснавальніка і ганаровага сябра партыі "Грузінская мара" Бідзіну Іванішвілі рыхтаваўся замах, заявілі ў Службе дзяржбяспекі Грузіі.
У ведамстве сказалі, што расследуюць факт падрыхтоўкі тэрарыстычнага акта і змовы з мэтай звяржэння дзяржаўнай улады.
У СДБ сцвярджаюць, што замах быў арганізаваны і прафінансаваны былымі высокапастаўленымі чыноўнікамі ўрада Грузіі і былымі супрацоўнікамі праваахоўных органаў Украіны.
«Мэтай згаданых злачынных дзеянняў з'яўляецца звяржэнне ўлады краіны гвалтоўным шляхам стварэння беспарадкаў і паслаблення ўлады», – гаворыцца ў прэс-рэлізе СДБ Грузіі.
Глядзіце таксама
Супрацоўнікі ведамства праводзяць ператрусы і выклікаюць на допыты сведкаў па гэтай справе, гаворыцца ў публікацыі.
Як сцвярджае прэм'ер-міністр Грузіі Іраклій Кабахідзэ, замах на Іванішвілі рыхтавалі тыя ж сілы, што і на прэм'ера Славакіі Роберта Фіцо і экс-прэзідэнта ЗША Дональда Трампа.
«У апошні перыяд было здзейснена два тэракты — адзін у Славакіі, другі ў ЗША. Гэта агульны почырк, які характарызуе адны і тыя ж глабальныя палітычныя сілы», — сказаў кіраўнік урада Грузіі.
Глядзіце таксама
Раней кіраўнік ваюючага ва Украіне на баку УСУ батальёна «Грузінскі нацыянальны легіён» Мамука Мамулашвілі заявіў The Insider, што ў Грузіі каля 300 яго байцоў аб'яўлены ў вышук. Паводле яго слоў, большасць з іх па-ранейшаму знаходзяцца ва Украіне.
«Я прадказваў такое развіццё падзей пасля таго, як Расія пачала аб'яўляць нас у вышук. Гэта рабілася для таго, каб у грузінскага ўраду былі падставы нас арыштоўваць. Расійскія і грузінскія спецслужбы сёння працуюць сінхронна. Многім з нашых хлопцаў, якія вярталіся ў Грузію, грузінскія спецслужбы параілі з'ехаць», — сказаў Мамулашвілі.
Акрамя гэтага, служачыя СДБ Грузіі ўжо выклікалі на допыт двух грамадзян краіны, якія ваявалі на баку УСУ — добраахвотніка Надзіма Хмаладзэ і актывіста «Антыакупацыйнага руху» Лашу Чыгладзэ.
Хмаладзе заявіў, што яго абвінавачваюць па артыкулах аб дзяржаўным перавароце і тэрарызме. Чыгладзэ, па дадзеных грузінскіх СМІ, таксама праходзіць па справе аб змове з мэтай звяржэння ўлады і «падрыхтоўцы тэрарызму».