Расійскім суддзям забаранілі капіяваць у прысуд абвінаваўчыя заключэнні

На капіраванне тэкстаў абвінавачвання ў прысуды скардзіліся даўно. Старшыня Масгарсуда адзначыла, што суддзі, калі "атрымліваюць абвінаваўчае заключэнне ў электронным выглядзе, то прысуд перапісваюць з флэшкі слова ў слова, не думаючы".

Вярхоўны суд Расіі забараніў суддзям пры вынясенні абвінаваўчых прысудаў капіяваць у іх абвінаваўчыя заключэнні і пералічваць доказы ў матывіровачнай часткі. Цяпер у прысудах суды павінны "раскрываць асноўны змест" доказаў і паказанняў.

Новая пастанова ВС забараняе суддзям даслоўна ўзнаўляць у прысудах паказанні сведак і высновы экспертаў з абвінаваўчых заключэнняў або мінулых пастаноў.

"Суд у апісальна-матывіровачнай частцы прысуду не мае права абмежавацца пералікам доказаў або ўказаннем на пратаколы працэсуальных дзеянняў і іншыя дакументы, у якіх яны адлюстраваны, а павінен раскрыць іх асноўны змест", — гаворыцца ў пастанове, ухваленай пленумам суда 29 лістапада.

На практыку пераносу цэлых фрагментаў з абвінаваўчых заключэнняў у прысуд скардзіліся абаронцы і падсудныя па многіх рэзанансным справах. Аляксей Навальны, каментуючы свой прысуд па "справе Іў Рашэ", адзначаў, што праект "Диссернет" знайшоў у прысудзе тэкставыя супадзення на 207 аркушах з 234.

"Груба кажучы, суддзя Каробчанка проста ўзяла тэкст абвінаваўчага заключэння, прысабачыла да яго некалькі лісточкаў у апісальнай частцы [...], вось і ўсё", пракаментаваў прысуд Навальны.

Адвакат украінскага палітыка Надзеі Саўчанка Мікалай Полазаў таксама называў прысуд суда свайму кліенту "скапіяваным абвінаваўчым заключэннем".

У чэрвені 2016 года на практыку капіявання абвінавачванняў у прысуд "з флэшкі" паскардзілася старшыня Масгарсуда Вольга Ягорава. "Калі яны атрымліваюць абвінаваўчае заключэнне ў электронным выглядзе, то прысуд перапісваюць з флэшкі слова ў слова, не думаючы", — сказала яна.

Ягорава рабіла падобную заяву яшчэ ў 2008 годзе, калі, выступаючы з дакладам на штогадовым пасяджэнні гарадскіх суддзяў, заявіла, што яе калегі для гэтых мэтаў скануюць лісты абвінаваўчых заключэнняў.

З усіх прысудаў па крымінальных справах у Расіі толькі 0,4% з'яўляюцца апраўдальны, паведаміў у пачатку 2015 года Уладзімір Маркін, які працаваў у той час прадстаўніком Следчага камітэта.

Паводле ВВС