У ЗША апублічылі новыя матэрыялы супраць Трампа па «Украінагейту»

Прэзідэнт ЗША ў Вашынгтоне закранаў дапамогу Злучаных Штатаў Украіне і расійска-ўкраінскі канфлікт, а таксама патрабаваў звольніць амбасадара ў Кіеве, сведчыць аўдыёзапіс з вячэры ў Trump Hotel.

Скандал «Украінагейт», які паслужыў прычынай запуску працэдуры імпічменту прэзідэнта ЗША Дональда Трампа, абрастае новымі падрабязнасцямі. У прыватнасці, агенцтва The Associated Press ў суботу, 25 студзеня, распаўсюдзіла аудыёфрагмэнты відэазапіса, на якой Трамп кажа пра расійска-ўкраінскі канфлікт і прыпыненне ваеннай дапамогі Вашынгтона Кіеву.
«Як доўга яны (Украіна. - Рэд.) пратрымаліся б у барацьбе з Расіяй?» — кажа чалавек, якога журналісты назвалі прэзідэнтам ЗША. Відэазапіс быў зроблены ў ходзе прыватнай вячэры ў красавіку 2018 гадоў ў Trump International Hotel у Вашынгтоне. Неўзабаве пасля гэтага пытання Трамп пераходзіць да тэмы звальнення Мары Йаванавіч, якая ў той час была паслом ЗША ва Украіне.

Звальненне амбасадара ЗША ва Украіне

Амерыканскі тэлеканал ABC News апублікаваў тыя аудыёфрагменты гэтай размовы, якія тычацца Йаванавіч. Адзін з удзельнікаў, якога журналісты называюць прадпрымальнікам савецкага паходжання Львом Парнасом, адгукаецца пра Йаванавіч як пра "самую вялікую праблему" і сцвярджае, што "для пачатку нам неабходна пазбавіцца ад амбасадара". На наступным урыўку чутны адказ Трампа: «Пазбаўцеся ад яе! Заўтра ж здыміце яе з пасады». Гэты фрагмент перададзены ў пракуратуру ЗША.
Экс-амбасадар ЗША ва Украіне ў ходзе дачы паказанняў у Палаце прадстаўнікоў Кангрэсу ЗША заявіла, што кіраўнік дзяржавы асабіста дамагаўся яе адстаўкі. Па словах Йаванавіч, яшчэ ў сакавіку 2019 года ёй у Дзярждэпартаменце прапаноўвалі ўзначальваць амерыканскую місію ў Кіеве да 2020 года, але ў канцы траўня нечакана звольнілі, не патлумачыўшы прычын.

Працэдура імпічменту

Сенат ЗША 21 студзеня пачаў разглядаць пэўныя абвінавачванні ў адрас Дональда Трампа. Дэмакраты абвінавачваюць прэзідэнта ў тым, што ён дамагаўся ад Украіны правядзення расследавання ў адносінах да свайго верагоднага суперніка на будучых прэзідэнцкіх выбарах Джозэфа Байдэна. Акрамя таго, Трамп прыпыніў ваенную дапамогу Украіне з мэтай аказання ціску на Кіеў, сцвярджаюць дэмакраты.
Працэдура імпічменту можа быць завершана перад запланаваным на 4 лютага выступам прэзідэнта ў Кангрэсе ЗША з прамовай аб становішчы нацыі. Чакаецца, што абвінавачванні з Трампа будуць знятыя, паколькі рэспубліканцы валодаюць большасцю ў Сенаце.
dw.com