Як супрацьстаяць пагрозам звальненняў? Лайфхак ад «Беларуськалія»

"Салідарнасць" паразмаўляла з прадстаўнікамі незалежнага прафсаюза гарнякоў «Беларуськалія».

Падлічыць дакладную колькасць страйкоўцаў немагчыма, тлумачаць у Беларускім незалежным прафсаюзе (БНП).
— Гэта працэс пастаянна змяняецца. Сёння з раніцы працоўны стаяў на плошчы, а вечарам пайшоў на працу. Як да гэтага ставіцца? Кожны чалавек выбірае для сябе метады і форму пратэсту — тлумачыць у інтэрв'ю «Салідарнасці» старшыня Незалежнага прафсаюза гарнякоў ААТ "Беларуськалій" Юрый Захараў.
 — Ці праўда, што інжынерна-тэхнічныя работнікі (ІТР) не падтрымліваюць страйкоўцаў?
— Не магу сказаць, што рабочыя страйкуюць, а ІТР — не, таму што гэта няпраўда. Няма такой выразнай стратыфікацыі, — кажа прэс-сакратар Беларускага Незалежнага прафсаюзу Раман Ерашэня.
Вышэйшае кіраўніцтва не падтрымлівае страйк.
Тыя рабочыя, якія выходзяць на працу, могуць рабіць рамонт, ствараць бачнасць працы. Ёсць шмат нюансаў.
Мне распавядалі, што ёсць прадстаўнікі адміністрацыі, якія на месцах казалі работнікам: "пішы тлумачальную за прагул!", а самі цішком тэлефануюць і кажуць: "Мы з вамі, трымайцеся!»
Павел Сакалоўскі, намеснік старшыні незалежнага прафсаюза гарнякоў першага рудаўпраўлення, кажа, што многія людзі з ніжэйшага складу ІТР (энергетыкі на ўчастках, майстры) падтрымліваюць страйк.
— Пагражаюць звальненнем дырэктара рудаўпраўленняў, начальнікі руднікоў і цэхаў. Яны выклікаюць людзей на размову і патрабуюць тлумачальныя.
Па словах Паўла, ціснуць у асноўным на начальнікаў участкаў і змен.
— 18-га ўвечары былі выпадкі, калі людзі прыехалі на працоўныя месцы, атрымалі лямпы і адмовіліся спускацца ў шахту. Генеральны дырэктар "Беларуськалія" Іван Галаваты ездзіў і аказваў псіхалагічны ціск на людзей, што нібыта забастоўка незаконная.
Адміністрацыя выкарыстоўвае розныя псіхалагічныя хітрыкі. Напрыклад, кажуць, вы адны, хто не спусціўся ў шахту. Сувязі няма, і людзі могуць здацца пад ціскам.
— Хто ўвайшоў у страйкавы камітэт «Беларуськалія»? Актывісты незалежнага прафсаюза?
— Не, – тлумачыць Раман Ярашэня. — Страйкам — гэта не лідэры Незалежнага прафсаюза гарнякоў (НПГ), а працоўныя, якія праявілі ініцыятыву па стварэнні страйкаму. Іх вылучылі ў кіраўніцтва страйкаму сходу рабочых. НПГ падтрымаў страйкам і дапамагае яго прадстаўнікам.
У стачачным камітэце "Беларуськалія" не ўсе сябры незалежнага прафсаюза. Ёсць тыя, хто не ўваходзіць ні ў адзін з прафсаюзаў. Ёсць і тыя, хто ў Белхімпрафсаюзе, нягледзячы на антызабастовачную пазіцыю яго кіраўніцтва.
У іх адрас паступаюць пагрозы. Адной актывістцы тэлефанавалі, казалі, што міліцыя цікавіцца тваім мінулым, збірае дадзеныя. Такім чынам на людзей маральна ціснуць.
Раман Ярашэня не змог назваць дакладную колькасць людзей, якіх паступаюць пагрозы за ўдзел у забастоўцы.
— Я чуў пра 26 выпадкаў. Стачком папрасілі стварыць электронную пошту, на якую будуць адпраўляць інфармацыю аб усіх фактах ціску на рабочых, якія падтрымалі страйк. Будзе стварацца база.
— Як супрацьстаяць ціску адміністрацыі прадпрыемства, пагроз звальненняў у адрас рабочых?
— Страйкам прыняў рашэнне, што, калі такія выпадкі адбудуцца, страйкавы камітэт абвесціць галадоўку, — адказаў лідэр Незалежнага прафсаюза гарнякоў Юрый Захараў.
Па словах прафсаюзнага лідэра, самае галоўнае цяпер — салідарнасьць і падтрымка адзін аднаго.