Навіны дня. Трэці дзень змагання Украіны з захопнікамі, Германія дае зброю, Расію адключаць ад SWIFT

Падводзім вынікі другога дня расійскай агрэсіі і распавядаем пра галоўныя навіны Беларусі.

fota_dzmitryja_dzmitryeva_novychas_784_logo_1.jpg

ЕС уводзіць санкцыі супраць Пуціна і міністра замежных спраў Лаўрова і прымае шырокі спектр індывідуальных і эканамічных санкцый. Што ўключаюць у сябе санкцыі ЕС супраць Расіі?

Што рабіць з хатнімі гадаванцамі ў моманты небяспекі? Карысныя парады для ўладальнікаў хатніх жывёл у ваенны час.

ПАРЕ прыпыніла прадстаўніцтва Расіі ў арганізацыі. Мядзведзеў прыдумаў помсту для ЕС — вярнуць смяротнае пакаранне ў Расіі! 

«Будзьце вы праклятыя, пачвары». Старшыня Памежнай службы Украіны Сяргей Дайнэка напісаў кіраўніку ДПК Беларусі. «Рэспубліка Беларусь сумесна з Расійскай Федэрацыяй вядзе вайну супраць Украіны, грэбуючы палажэннямі міжнароднага права, элементарнымі нормамі чалавечай маралі і каштоўнасцямі жыцця»

Расія рыхтуе правакацыю ў акупаваным Данецку. Мясцовым баевікам і расійскім вайскоўцам выдаюць супрацьгазы. СБУ сцвярджае: Расія рыхтуе хімічную дыверсію ў Данецку, каб абвінаваціць у гэтым Украіну

Германія апошняй падтрымала адключэнне Расіі ад міжнароднай сістэмы абмену інфармацыяй SWIFT. Раней гэта зрабіла Венгрыя. Такім чынам, цяпер усе краіны ЕС падтрымалі адключэнне Расіі.  Адключыць ад SWIFTмогуць і Беларусь. 

Наступіў «вырашальны момант для таго, каб раз і назаўжды закрыць даўнюю дыскусію і прыняць рашэнне аб сяброўстве Украіны ў ЕС», лічыць украінскі прэзідэнт Уладзімір Зяленскі. Польшча падтрымала прыняцце Украіны ў Еўрасаюз. Прэзідэнт Польшчы Анджэй Дуда выступіў за неадкладнае прадастаўленне Украіне статусу кандыдата на ўступленне ў ЕС.

Германія нарэшце вырашыла перадаць Украіне зброюгэта паваротны момант, найперш, у палітыцы Германіі.

Расійская армія ўзяла аператыўную паўзу, паколькі нясе велізарныя страты, спрабуючы атакаваць украінскія пазіцыі. А таксама расійскія вайскоўцы масава здаюцца ў палон.