Польшча падтрымала прыняцце Украіны ў Еўрасаюз

Прэзідэнт Польшчы Анджэй Дуда выступіў за неадкладнае прадастаўленне Украіне статусу кандыдата на ўступленне ў ЕС.

«Польшча выступае за прамы шлях да сяброўства ў Еўрапейскім саюзе для Украіны. Статус кандыдата павінен быць прадастаўлены неадкладна, і адразу ж пасля гэтага павінны быць пачаты перамовы аб членстве. Украіна таксама павінна мець доступ да сродкаў ЕС для аднаўлення. Украіна заслугоўвае гэтага», — напісаў ён у Twitter.

Нагадаем, сёння прэзідэнт Украіны Уладзімір Зяленскі заклікаў «завяршыць шматгадовую дыскусію і прыняць рашэнне аб членстве Украіны ў ЕС».

Паводле reform.by.