«Будзьце вы праклятыя, пачвары». Старшыня Памежнай службы Украіны напісаў кіраўніку ДПК Беларусі

Старшыня Памежнай службы Украіны Сяргей Дайнэка напісаў зварот кіраўніку Дзяржпагранкамітэта Беларусі Анатолю Лапо.

«Насуперак добрасуседскім адносінам 24-26 лютага 2022 года пры поўным садзейнічанні Рэспублікі Беларусь ажыццёўлена адкрытая ваенная агрэсія Расійскай Федэрацыі супраць Украіны з выкарыстаннем баявой авіяцыі, балістычных ракет, артылерыі, танкаў, бронетранспарцёраў, наземных войскаў і іншых сродкаў з тэрыторыі Рэспублікі Беларусь», — піша ён.

У паведамленні таксама гаворыцца аб ваенных дзеяннях на тэрыторыі краіны, мэтай якіх з'яўляецца ўстанаўленне акупацыйнага кантролю.

«Рэспубліка Беларусь сумесна з Расійскай Федэрацыяй вядзе вайну супраць Украіны, грэбуючы палажэннямі міжнароднага права, элементарнымі нормамі чалавечай маралі і каштоўнасцямі жыцця», — заяўляе Дайнэка.