Паўночная Карэя зноў запусціла ракеты

Паўночная Карэя ажыццявіла чарговы запуск ракет. Амерыканскія вайскоўцы паведамляюць, што былі запушчаныя тры балістычныя ракеты малой далёкасці. Гэта адбылося пасля некаторага змякчэння рыторыкі КНДР на адрас ЗША, якім Пхеньян раней пагражаў запускам ракет у раёне Гуама.

Аб'яднаны камітэт начальнікаў штабоў Паўднёвай Карэі паведаміў, што запуск некалькіх паўночнакарэйскіх ракет быў ажыццёўлены з ўсходняга ўзбярэжжа КНДР з правінцыі Канвандо. Яны ўпалі ў Японскім моры.
Пазней Ціхаакіянскае камандаванне ўзброеных сіл ЗША ўдакладніла, што запушчаны былі тры балістычныя ракеты малой далёкасці. У заяве адзначаецца, што другая ракета, хутчэй за ўсё, выбухнула адразу пасля старту, а дзве іншых перасталі дзейнічаць ужо ў палёце.
Амерыканскія ваенныя падкрэслілі, што ракеты не маглі прадстаўляць пагрозы для авіябазы ВПС ЗША на востраве Гуам, ударам побач з якой раней пагражаў Пхеньян.
Прадстаўнік камітэта начальнікаў штабоў Паўднёвай Карэі раней адмаўляўся адказваць на пытанне, ці ідзе гаворка аб балістычнай ракеце. Першапачаткова гаворка ішла аб запуску толькі адной ракеты неўстаноўленага тыпу.
Пра тое, што ракета можа быць балістычнай, паведамляла паўднёвакарэйскае агенцтва Ренхап, удакладняючы, што яна праляцела каля 250 км.
Запуск ракет быў ажыццёўлены пасля абмену жорсткімі заявамі паміж Пхеньянам і Вашынгтонам, хоць пазней яна сталася больш мяккай і меньш ваяўнічай.
У пачатку жніўня прэзідэнт ЗША Дональд Трамп паабяцаў абрынуць на КНДР «агонь і лютасць» ЗША, калі Паўночная Карэя не спыніць пагражаць Амерыцы. Тады ж Пхеньян заявіў, што вывучае магчымасць ракетнага ўдару па ваенных аб'ектах ЗША на востраве Гуам.
Пазней КНДР паўтарыла пагрозу запусціць ракеты сярэдняй далёкасці па Гуам, дзе размешчана амэрыканская авіябаза. У Пхеньяне тады заявілі, што ў якасці «папярэджання» ЗША распрацоўваюць план пуску чатырох балістычных ракет сярэдняй далёкасці «Хвасон-12», якія павінны праляцець над Японіяй і зваліцца ў 30-40 км ад базы на ГУАМ.
Пагрозы гучалі на фоне паведамленняў аб тым, што КНДР зрабіла ядзерную боегалоўку, якую можна ўсталяваць на наяўныя ў Паўночнай Карэі ракеты.
Пазней Пхеньян змякчыў рыторыку, заявіўшы, што будзе прымаць меры толькі ў адказ на дзеянні ЗША, якія ў КНДР называюць правакацыйнымі. 15 жніўня паўночнакарэйскі лідэр Кім Чэн Ын заявіў, што гатовы пачакаць з ударам, калі ЗША зменяць сваю палітыку. Трамп, у сваю чаргу, сказаў, што Кім Чэн Ын пачаў прыслухоўвацца да папярэджанняў Вашынгтона.
У панядзелак, 21 жніўня, ЗША і Паўднёвая Карэя пачалі сумесныя ваенныя вучэнні, у якіх удзельнічаюць тысячы вайскоўцаў і якія выклікаюць асаблівы гнеў Пхеньяна. Пасля іх пачатку ваенныя КНДР прыгразілі «бязлітасным адплатай» за тое, што іх апаненты не прыслухаліся да папярэджанняў Пхеньяна.
Апошні раз запуск міжкантынентальнай балістычнай ракеты «Хвасон-14» быў ажыццёўлены 28 ліпеня. Гэты запуск стаў 14-м у серыі выпрабаванняў, праведзеных у 2017 годзе насуперак рэзалюцыі ААН.
Паводле BBC