Прафесар БДУ патрабуе паставіць у Мінску помнік імператару Аляксандру ІІ

Грамадства

Кошалеў адзначыў: «Наўрад ці хто-небудзь з навукоўцаў зможа адмаўляць значэнне тых рэформаў, якія ажыццявіў імператар Аляксандр II.



pomnik.jpg

Помнік Аляксандру ІІ у Мінску ў 1901-1917 гг. © ctv.by

«Аляксандр II пакінуў яркі след у нашай гісторыі. Ён не толькі адмяніў прыгоннае права, але і ажыццявіў цэлую хвалю рэформаў 60–70 гадоў XIX ст. Таму нічога дрэннага ў тым, што прадстаўнікі беларускай грамадскасці выступілі з ініцыятывай аднавіць помнік цару-рэфарматару, асабіста я не бачу»,

— заявіў у інтэрв’ю Regnum доктар гістарычных навук, прафесар Уладзімір Кошалеў.

«Ужо адно тое, што ў беларускіх губернях адмена прыгоннага права адбывалася найбольш паслядоўна і на больш выгадных для сялян умовах, чым у цэнтральных рэгіёнах Расійскай імперыі,

 

кажа пра тое, што помнік Аляксандру II у Мінску варта аднавіць. Калі немагчыма аднавіць гэты помнік,

то варта яго ўсталяваць — новы, што будзе цалкам апраўдана», — сказаў прафесар.

 

На думку Кошалева, аднаўленне помніка Аляксандру II, вядомага таксама як «Вызваліцель» (за вызваленне сялян ад прыгоннай залежнасці) зусім не супярэчыць дзяржаўнай ідэалогіі Беларусі.

«Аднаўленне або ўсталяванне помніка Аляксандру II у Мінску цалкам адказвае духу знешнепалітычнага курсу Беларусі на стратэгічны саюз з Расійскай Федэрацыяй, на пабудову сумеснымі намаганнямі Еўразійскага саюза», — сказаў ён.

Кошалеў адзначыў: «Наўрад ці хто-небудзь з навукоўцаў зможа адмаўляць значэнне тых рэформаў, якія ажыццявіў імператар Аляксандр II.

Аднаўленне яму помніка было б вельмі сімвалічным менавіта на ранейшым месцы — на мінскай плошчы, якая цяпер называецца «Плошча Свабоды».

Аляксандр ІІ стаў царом у 1855 г. Сярод іншага, у перыяд яго кіравання было задушана Паўстанне 1863 г. і працягнулася русіфіккцыя края.

Помнік Аляксандру ІІ быў пастаўлены ў Мінску ў 1901 г.

Знаходзіўся на Саборнай плошчы (цяпер плошча Свабоды), каля Ратушы. Пастамент уяўляў сабой чатырохкантовую прызму з чорнага граніту. Сам бюст імператара быў выкананы з бронзы. Надпіс на помніку: «Імператару Аляксандру II. Удзячныя грамадзяне горада Мінска. 1900». У цёмны час сутак ён асвятляўся двума электрычнымі ліхтарамі, якія стаялі па баках.

Помнік Аляксандру II быў першым менавіта скульптурным помнікам, усталяваным у Мінску. Урачыстае адкрыццё помніка, як новай славутасці горада, сабрала велізарную колькасць мінчан і гасцей горада. У 1917 г. помнік быў дэмантаваны.

nn.by