Рэдактар «Брестской газеты» звярнуўся да падпісчыкаў з незвычайнай просьбай

Рэдактар "Брестской газеты" Віктар Марчук звярнуўся да чытачоў з просьбай не падпісвацца на "БГ" на першае паўгоддзе 2021 года, а калі ўжо падпісаліся — ануляваць падпіску ў самы бліжэйшы час.



"Справа ў тым, што ва ўмовах, у якія сёння спрабуюць паставіць наша выданне, мы не ўпэўненыя, што зможам выканаць свае абавязацельствы перад вамі. Удакладню: тое, што тычыцца падрыхтоўкі папяровай версіі газеты да друку, мы, безумоўна, зробім. Але паміж рэдакцыяй і чытачамі ёсць некалькі звёнаў аднаго ланцуга. Перш за ўсё — гэта друкарня і пошта.

Як паказваюць апошнія падзеі, кіраўнікі гэтых прадпрыемстваў сёння, мякка кажучы, не вельмі зацікаўлены ў тым, каб вы атрымлівалі "БГ", як і раней", — тлумачыць Віктар Марчук.

Паводле галоўнага рэдактара, сумневы з нагоды магчымасці выканання нашых дагаворных абавязацельстваў перад "Белпоштай" абгрунтаваныя абставінамі, якія не залежаць ад выдання. Са студзеня рэдакцыя не зможа друкаваць газету ў "Брэсцкай друкарні". Яе кіраўніцтва вырашыла не падаўжаць дамову з "БГ". Ва ўсякім выпадку, афіцыйная версія такая.
Сёння рэдакцыя працуе над рашэннем гэтай праблемы, але пакуль варыянтаў, дзе можна было б друкаваць "БГ",  няма.

"Справа ў тым, што друк газет у Беларусі — гэта асаблівая прэрагатыва. Увогуле, дзяржманаполія. Ліцэнзіі на аказанне такіх паслуг маюць дзяржаўныя друкарні. За вельмі рэдкім выключэннем. А, як паказвае сітуацыя з "БГ" і шэрагам іншых друкаваных выданняў, у гэтай сферы законы эканомікі, рынку, ды і проста здаровы глузд не заўсёды працуюць належным чынам. Такія асаблівасці цяперашніх беларускіх рэалій".

Віктар Марчук нагадвае: "Берасцейская друкарня ў аднабаковым парадку змяніла час друку накладу "БГ", перамясціўшы яго пачатак з 9 раніцы на 15.00 гадзін дня. А па дамове з "Белпоштай" наклад выдання павінен быць здадзены ў пастарунак па апрацоўцы і абмене пошты па чацвяргах не пазней за 15.00. Адтуль газеты ідуць у тым ліку і падпісчыкам. Але як мы можам здаць тыраж газеты ў ўчастак у абумоўлены ў дагаворы час, калі чарговы нумар у 15.00 толькі пачынаюць друкаваць ў друкарні?

Вельмі відавочная часовая нестыкоўка (або стыкоўка) атрымалася, каб быць выпадковасцю. Падпісваць з рэдакцыяй дадатковае пагадненне да дзеючага дагавора, якое прадугледжвае перанос здачы накладу на больш позні час, кіраўніцтва Брэсцкага філіяла «Белпошты» адмовілася.

Балазе нам удалося ўсё ж дамовіцца дапрацаваць 2020 год без асаблівых "шумавых" і эмацыйных эфектаў".

Але сёння "ў нас няма гарантый, што ў 2021 годзе падобная практыка не паўторыцца. Мы не ўпэўненыя, што зможам забяспечыць выкананне ўмоў, прапісаных у дамове з «Белпоштай». А значыць, ёсць рэальная пагроза ўжывання ў дачыненні да рэдакцыі "БГ" фінансавых санкцый, разрыву дамовы і самае непрыемнае – невыканання абавязацельстваў перад вамі, паважаныя падпісчыкі. У такі капкан ужо трапіла «Народная Воля».

Таму, узважыўшы ўсе за і супраць, мы прыйшлі да рашэння адмовіцца ад паслуг «Белпошты " па падпісцы на першае паўгоддзе 2021 года. Апавяшчэнне пра гэта мы адправілі адрасату 17 снежня – у дзень выхаду 51-га нумара газеты за 2020 год.

Далося такое рашэнне нам, вядома ж, нялёгка. Мы, напэўна, страцім частку сваёй чытацкай аўдыторыі, а з ёй – частку даходаў. Але было б яшчэ горш, калі б мы, па незалежных ад нас прычынах, не выканалі абавязацельствы перад вамі, дарагія нашы падпісчыкі. Таму рэдакцыя вырашыла паступіць такім чынам.

Мы не станем браць грошы, калі ў нас з'явіліся падставы сумнявацца ў тым, што мы зможам іх адпрацаваць. Нават калі гэтыя прычыны не залежаць ад нас. Таму, калі вы ўжо падпісаліся на месяц, квартал або першае паўгоддзе 2021 года, калі ласка, анулюйце падпіску ў самы бліжэйшы час. Нам вельмі шкада, што тым самым даставілі вам лішнія клопаты, але мы лічым, што менавіта так будзе сумленна, а значыць – правільна".

Усё гэта азначае, што з 2021 года набыць "БГ" можна будзе толькі ў шапіках.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: