26 «Оскараў», абвінавачанні ў антысемітызме, кансерватыўныя погляды. 10 фактаў пра Уолта Дыснея

Сёння спаўняецца 95 гадоў Мікі Маўсу, легендарнаму персанажу Disney! У гэты дзень узгадаем дзівоснае жыццё чалавека, дзякуючы якому ў шматпакутным дваццатым стагоддзі паўстаў асобны свет, поўны бязмежнай радасці і надзеі.  

У 14 гадоў разносіў газеты, каб крыху зарабіць

Дзяцінства Уолта Дыснея было поўным творчасці і цяжкасцяў. Ён нарадзіўся 5 снежня 1901 года ў Чыкага, штат Ілінойс, але большую частку свайго ранняга дзяцінства правёў у Марселін, штат Місуры, дзе ў будучага стваральніка мультымедыйнай імперыі і развілася любоў да малявання.

У Марселін сям'я Дыснея жыла на ферме, дзе маленькі Уолт гадзінамі назіраў за жывёламі і маляваў іх. Ён таксама быў зачараваны вандроўнымі цыркамі, якія праязджалі праз горад — пазней яны паслужылі крыніцай натхнення для многіх яго фільмаў.

Аднак, калі Дыснею было ўсяго дзевяць гадоў, яго сям'я пераехала ў Канзас-Сіці, штат Місуры, дзе ён сутыкнуўся з суровай рэальнасцю. Яго бацька, Эліяс Дысней, не мог знайсці працу, таму сям'я адчувала фінансавыя цяжкасці. Перад заняткамі ў школе маленькі Дыснэй разносіў газеты, каб здабыць для сям’і хоць бы нейкія грошы.

Нягледзячы на гэтыя цяжкасці, Дысней ніколі не губляў любові да мастацтва. Ён праводзіў гадзіны ў мясцовай бібліятэцы за чытаннем кніг па анімацыі і маляваў карыкатуры для сваёй школьнай газеты.

Падчас Першай сусветнай вайны ў адной роце з Уолтам Дыснэеем служыў Рэй Крок — будучы ўладальнік  McDonald’s

Падчас Першай сусветнай вайны Уолту Дыснею было 16 гадоў. Калі Злучаныя Штаты ўступілі ў вайну ў 1917 годзе, ён усё яшчэ вучыўся ў сярэдняй школе ў Чыкага. Аднак Дысней вельмі хацеў унесці свой уклад у ваенныя дзеянні, таму вырашыў кінуць школу, каб далучыцца да корпуса хуткай дапамогі Чырвонага Крыжа. Схлусіўшы пра свой узрост, Дысней быў прыняты ў арганізацыю. У Францыі ён працаваў кіроўцам машыны хуткай дапамогі.

Час знаходжання Дыснея ў Францыі быў для хлопчыка цяжкім досведам. Ён сутыкнуўся з жахамі вайны, на свае вочы ўбачыў, якія страты нясуць як салдаты, так і грамадзянскія асобы. У той жа час Уолт Дыснэй меў магчымасць назіраць за французскай культурай і мастацтвам, што пазней паўплывала на ягоныя анімацыйныя працы.

Аднойчы Уолта Дыснэя звольнілі з мастацкай студыі за… «нястачу творчых здольнасцяў і фантазіі»

Першую працу ў галіне мастацтва і анімацыі Уолт Дысней знайшоў у Камерцыйнай мастацкай студыі Pesmen-Rubin у Канзас-Сіці, штат Місуры. Тады яму было толькі 18 гадоў, Дысней маляваў карыкатуры для рэкламных матэрыялаў.

Аднак, паводле некаторых звестак, Уолт Дысней быў звольнены з гэтай працы ўсяго праз некалькі месяцаў. Менеджар студыі сказаў Уолту, што Дыснею не хапае здольнасцей, каб ствараць арыгінальныя ідэі, маўляў, яму лепш прытрымлівацца капіравання ўжо існуючых твораў.

Дыней працягваў удасканальваць свае навыкі і ўрэшце атрымаў працу ў рэкламнай кампаніі Kansas City Film, дзе працаваў над стварэннем анімацыйнай рэкламы для мясцовых прадпрыемстваў. Гэтае супрацоўніцтва было для Дыснэя цудоўным досведам. Калі прыйшоў час, ён пакінуў кампанію, каб адкрыць уласную анімацыйную студыю Laugh-O-Gram.

Зорка нарадзілася. У 1928 годзе Дысней прадставіў свету Мікі Маўса

Мікі Маўс быў прыдуманы Уолтам Дыснеем і намаляваны Абам Айверксам у канцы 1920-х гадоў. Дысней першапачаткова прыдумаў для персанажа імя Морцімер Маўс, але яго жонка Ліліян пераканала імя змяніць — так нарадзіўся ўсімвядомы Мікі Маўс.

Аб Айверкс, тагачасны галоўны аніматар Disney, падараваў Мікі круглыя вушы, белыя пальчаткі, фірмовыя чырвоныя шорты і жоўтыя боты.

Мікі Маўс дэбютаваў у кароткаметражным фільме «Вар'яцкі самалёт», аднак больш вадомай з ягоных першых роляў з’яўляецца ўдзел у адным з першых анімацыйных фільмаў з сінхранізаваным гукам — «Параход Уілі». Чорна-белая васьміхвілінная праца Уолта Дыснея і Аба Айверкса зрабіла сапраўдны фурор. Фільм імгненна займеў поспех і зрабіў Мікі галоўнай іконай поп-культуры.

Пазней Мікі з'яўляўся ў незлічонай колькасці фільмаў і тэлешоў. Ён стаў любімым персанажам дзяцей і дарослых ва ўсім свеце. Сёння Walt Disney Company – адзін з найбуйнейшых медыякангламератаў у свеце, а Мікі Маўс застаецца цэнтральнай фігурай у яе брэндзе.

Фільм Дыснея «Беласнежка і сем гномаў», выпушчаны ў 1937 годзе, стаў першым поўнаметражным анімацыйным фільмам у гісторыі, і першым фільмам, створаным з сінхранізаваным гукам

Анімацыйны фільм «Беласнежка і сем гномаў» стаў сенсацыяй касавых збораў. Ён сабраў больш за 8 мільёнаў даляраў у першым пракаце (што эквівалентна больш за 100 мільёнам даляраў на сёння) і атрымаў адмысловую прэмію Оскар за наватарскія дасягненні ў галіне анімацыі.

Поспех «Беласнежкі і сямі гномаў» праклаў шлях да новай эры поўнаметражных анімацыйных фільмаў і ўмацаваў рэпутацыю студыі Disney як лідара анімацыйнай індустрыі.

Уолт Дысней з'яўляецца рэкардсменам па колькасці ўзнагарод кінаакадэміі, выйграных адным чалавекам. За сваё жыццё ён атрымаў 26 прэмій «Оскар» з 59 намінацый

У тым ліку ў 1932 годзе Дысней атрымаў ганаровы «Оскар» менавіта за стварэнне «Мікі Маўса» і значны ўплыў на кінаіндустрыю.

Ідэя Дыснейлэнда ўзнікла, калі Уолт Дысней разам са сваімі дочкамі наведаў Грыфіт-парк у Лос-Анджэлесе. Ён уявіў сабе месца, дзе людзі ўсіх узростаў маглі б сабрацца разам і непасрэдна праадчуваць магію Disney

Дысней лічыў, што тэматычныя паркі могуць быць чымсьці большым за набор атракцыёнаў. Ён прыдумаў і стварыў месца, якое спалучае ў сабе апавяданне гісторый, мастацтва, тэхналогіі і забавы.

Дысней сабраў каманду таленавітых дызайнераў, інжынераў і мастакоў. Ён правёў гады, даследуючы і плануючы кожную дэталь парка, ад планіроўкі і дызайну атракцыёнаў да касцюмаў, якія носяць супрацоўнікі.

Першы Дыснейлэнд адкрыўся 17 ліпеня 1955 года ў Анахайме, штат Каліфорнія, і меў неверагодны поспех.

Нягледзячы на свой поспех, Дысней не быў застрахаваны ад крытыкі. Яго абвіначвалі ў антысемітызме

У 1930-х гадах Дыснея крытыкавалі за стварэнне некалькіх мультфільмаў, у якіх гучалі негатыўныя стэрэатыпы аб габрэйскіх персанажах. Напрыклад, кароткаметражны фільм «Дом Опры» (1929), у якім габрэйскі персанаж прадстаўлены сквапным і прагным да грошай. Падобныя мультфільмы былі часткай шырокай тэндэнцыі на антысеміцкія вобразы у папулярнай культуры таго часу, Дысней не быў адзіным, хто выкарыстоўваў такія стэрэатыпы ў мастацкіх творах.

Уолт Дысней быў інфарматарам ФБР пад прыкрыццём

Уолт Дысней сапраўды паведамляў інфармацыю Федэральнаму бюро расследаванняў (ФБР) у 1940-х і 1950-х гадах. Дысней быў занепакоены ўплывам камунізму ў Галівудзе і асабліва дзейнасцю некаторых асоб у кінаіндустрыі, якія, на яго думку, былі звязаны з камуністычнымі арганізацыямі.

Напрыканцы 1940-х гадоў Дысней стаў удзельнікам Альянсу кінематаграфістаў за захаванне амерыканскіх ідэалаў — кансерватыўнай групы, якая выступала супраць камунізму і іншых меркаваных пагроз амерыканскім каштоўнасцям. Як сябра гэтай групы Дысней стаў больш палітычна актыўным і адкрытым, і ён пачаў прадастаўляць ФБР інфармацыю аб асобах, якіх ён лічыў датычнымі да антыамерыканскай дзейнасці.

Уолт Дысней паліў на працягу ўсяго свайго жыцця, хаця сачыў за тым, каб яго ніколі не фатаграфавалі з цыгарэтай, каб не падаваць дрэнны прыклад дзецям

Уолт Дысней памёр 15 снежня 1966 года ад раку лёгкіх ва ўзросце 65 гадоў. На жаль, яго прыхільнасць да цыгарэт спрыяла развіццю хваробы.

Смерць Дыснея стала непапраўнай стратай для індустрыі забаў. Але яго спадчына працягвае жыць дзякуючы Walt Disney Company, што працягвае ствараць новыя анімацыйныя і забаўляльныя творы, базуючыся на светапоглядзе маэстра радасці.