РБК: Беларусь, Украіна і Венесуэла — найбуйнейшыя даўжнікі Расіі

Праграма дзяржаўных крэдытаў, якія прадстаўляюцца Масквой іншым краінам, засакрэчаная, аднак расійскі РБК распавёў, што выявіў па меншай меры 17 дзяржаў, якія сумарна вінныя Расіі каля $ 27 мільярдаў

rf_19__1_.jpg

Расійскі ўрад традыцыйна трымае ў сакрэце фінансавыя і экспартныя крэдыты, якія выдаюцца іншым дзяржавам. Інфармацыя становіцца публічнай, толькі калі Расія падпісвае міжурадавыя пагадненні, якія затым ратыфікуе Дзярждума, калі пра такія пазыкі распавядаюць афіцыйныя асобы або інфармацыя раскрываецца па лініі дзяржавы-пазычальніка, піша РБК.

Непразрыстасць праграмы дзяржкрэдытаў Расіі тлумачыцца тым, што, па-першае, большасць такіх пазык носяць не чыста камерцыйны, а палітычны характар, па-другое, многія пазыкі прадастаўляюцца ў рамках ваенна-тэхнічнага супрацоўніцтва, якое па большай частцы засакрэчана. Масква, напрыклад, крэдытавалі Арменію, Венесуэлу, Індыю, Інданэзію менавіта ў мэтах закупаў расійскага ўзбраення.

РБК адзначае, што сабраў усю наяўную інфармацыю пра запазычанасці іншых краін Расіі. Агульную запазычанасць па расійскіх дзяржкрэдытах Мінфін ацэньваў на 1 траўня 2019 года ў $ 39,4 млрд, з якіх $ 15,8 млрд вінныя краіны СНД. Агульныя лічбы раскрываліся ў чэрвеньскім праспекце суверэнных еўрааблігацый Расіі (.pdf). Больш як $ 5 млрд з агульнай запазычанасці — гэта рэструктураваныя даўгі краін перад былым СССР (В'етнам, Індыя, Ірак, Емен, Куба), як паказаў аналіз РБК. 

Беларусь: запазычанасць без рэфінансавання

Найбуйнейшым даўжніком Расіі з'яўляецца Беларусь, піша РБК — $ 7,55 млрд на 1 чэрвеня 2019 года (адзначаецца, што гэту лічбу падало РБК беларускае Міністэрства фінансаў).

“Запазычанасць Мінска амаль не змянілася ў параўнанні з канцом 2018 года, калі яна складала $ 7,52 млрд, — паводле дадзеных Банка Расіі.

З 2012 года доўг Беларусі перад Расіяй вырас у два разы. Але ўлетку 2019 года Масква ўпершыню за апошнія гады адмовілася рэфінансаваць бягучую частку беларускай запазычанасці (першы віцэ-прэм'ер Антон Сілуанаў у чэрвені казаў, што Масква чакае ад Мінска крокаў насустрач эканамічнай інтэграцыі). Таму Беларусь папрасіла крэдыт у Кітая, а таксама правяла размяшчэнне аблігацый у расійскіх рублях на расійскім рынку. Кітай — другі найбуйнейшы крэдытор Беларусі пасля Расіі”.

Адмова Расіі прадастаўляць Беларусі крэдыт на рэфінансаванне запазычанасці — адзін са складнікаў сістэмнага эканамічнага ціску, які Расія пачала аказваць на Беларусь, цытуе РБК старшага навуковага супрацоўніка Беларускага эканамічнага даследча-адукацыйнага цэнтра (BEROC) Дзітрыя Крука. У цэлым можна казаць пра «пахаладанне ў адносінах» дзвюх краін, зазначае ён. Напрамкаў эканамічнага ціску на Беларусь шмат: акрамя замарожанага крэдыту, гэта нафтавы манеўр, пытанне аб цане на газ з 2020 года, нетарыфныя гандлёвыя абмежаванні, а таксама трэння ў пытанні беларускай АЭС, якую павінен будаваць «Расатам», дадае Крук. 

Адносіны з Украінай разарваныя, а крэдыты засталіся

На другім месцы па запазычанасці перад Расіяй знаходзіцца Україна, адзначае РБК, — каля $ 3,7 млрд у суме.

Кіеў, з пункту гледжання Масквы, па-ранейшаму вінен $ 3,075 млрд у еўрааблігацыях, якія Фонд нацыянальнага дабрабыту (ФНБ) набыў у снежні 2013 года.

 Паводле www.rbc.ru