Bloomberg: Энергетычны бізнес Расіі пад пагрозай з-за змены клімату

Масква радавалася, што глабальнае пацяпленне адкрыла доступ да арктычнай нафты, але раставанне мерзлаты цяпер пагражае традыцыйным расійскім радовішчам.

m4aaaggvdua_1920.jpg


Уладзіміру Пуціну трэба як мага хутчэй стаць абаронцам экалогіі, каб спыніць раставанне вечнай мерзлаты. Толькі так расійскія нафтавыя і газавыя кампаніі змогуць працягваць выпампоўваць вуглевадароды, якія, праўда, награваюць планету і прымушаюць лёд раставаць. Пра гэта піша Bloomberg, дадаючы, што такая логіка вельмі перакручаная. Але гэта адзінае разумнае тлумачэнне, чаму Расія раптоўна ратыфікавала Парыжскі кліматычны дагавор.

Да нядаўняга часу ў Маскве разглядалі кліматычныя змены як «нешта добрае», зменшага, часткова. Нагрэў вод адкрыў марскі шлях праз Паўночнае мора. З’явілася практычная і эканамічная магчымасць шукаць і распрацоўваць нафтавыя і газавыя радовішчы пад морамі ў Арктыцы. Можна ўспомніць хаця б Штокманаўскае газакандэнсатнае радовішча.

Аднак пацяпленне, якое адкрывае багацці Арктыкі, можа таксама не так выгадна паўплываць на замерзлыя ўчасткі сушы на Поўначы Расіі. Менавіта там сканцэнтравана асноўная здабыча газу і нафты краіны.

«Вечная мерзлата перажывае хуткія змены», — гаворыцца ў справаздачы аб «акіянах і крыясферы ў часы змены клімату», прынятым IPCC на мінулым тыдні. Згодна з дакументам, гэтыя змены пагражаюць «структурнай стабільнасці і функцыянальным магчымасцям» інфраструктуры нафтавай прамысловасці.

Найбольшая рызыка ўзнікае ў раёнах з вялікім утрыманнем падземнага лёду і мерзлых парод. Паўвостраў Ямал, на якім змешчаны два найбуйнейшых новых газавых праекта Расіі, падпадае пад гэтую катэгорыю.

Але праблема не абмяжоўваецца рэгіёнам. Паводле справаздачы IPCC, 45% здабычы нафты і газу на радовішчах у расійскай Арктыцы размешчаны ў зоне вялікай пагрозы. Некалькі верхніх метраў вечнай мерзлаты называюць актыўным пластом. Ён замярзае і размарожваецца са зменай часоў года і становіцца нестабільным у больш цёплыя месяцы. Забудоўшчыкі звычайна ўлічваюць гэта, ствараючы глыбейшы падмурак, каб канструкцыі былі ўстойлівымі. Такія змены ўлічваюцца падчас пабудовы дарог, чыгунак, жылых дамоў, заводаў і трубаправодаў.

Але глабальнае пацяпленне зрабіла актыўны пласт глыбей. Гэта азначае, што глеба губляе сваю здольнасць падтрымліваць структуры, пабудаваныя на ёй.

Паводле unian.ua