Яшчэ адна пастсавецкая краіна захацела ўступіць у ЕС
У Арменіі ёсць «еўрапейскія памкненні», і краіна мае намер дыверсіфікаваць сваю замежную палітыку, паведаміў кіраўнік МЗС гэтай краіны. Прэм’ер-міністр Нікол Пашынян планаваў падаць заяўку на ўступленне ў ЕС не пазней за восень гэтага года.
Улічваючы ўсе выклікі, з якімі сутыкнулася Арменія за апошнія чатыры гады, абмяркоўваюцца «новыя магчымасці», у тым ліку ўступленне ў Еўрасаюз, заявіў кіраўнік армянскага МЗС Арарат Мірзаян у інтэрв'ю TRT World.
Так ён адказаў на пытанне, Ці задумваліся армянскія ўлады аб далучэнні да ЕС і НАТО. «У народа Арменіі ёсць еўрапейскія памкненні, і, як я ўжо сказаў, мы праходзім праз гэты працэс, мы ўбачым, якім будзе яго завяршэнне. Яго ніхто не можа прадказаць, ніхто не можа быць упэўнены», — сказаў Мірзаян.
Арменія абрала дэмакратычны шлях развіцця, Брусэль і Вашынгтон падтрымліваюць гэты рух, а для Ерэвана важна гранічна дыверсіфікавацца, пашыраючы кола партнёраў і саюзнікаў, працягнуў міністр. Ён падкрэсліў, што Ерэван захоўвае пры гэтым традыцыйныя сувязі, а таксама «глядзіць на Усход».
У канцы мінулага года Мірзаян казаў пра імкненне Арменіі зблізіцца з ЕС настолькі, наколькі саюз палічыць гэта магчымым. Паводле слоў прэм'ера Нікола Пашыняна, Еўрасаюз дзейнічае аналагічна. «Мы хочам паглыбіць нашы адносіны з Еўрасаюзам і не хочам якім-небудзь чынам супрацьпастаўляць гэта нашым рэгіянальным адносінам», — адзначаў Пашынян.
Глядзіце таксама
Як піша Hraparak, Пашынян абвясціў аб планах падаць заяўку Арменіі на ўступленне ў ЕС не пазней восені гэтага года. Ён растлумачыў, што інтарэсы бяспекі краіны патрабуюць стаць мацнейшымі, калі не ў ваенных адносінах, то хаця б у эканамічных. Прэм'ер назваў гэтую перспектыву непазбежнай і патлумачыў, што «ад Расіі няма ніякіх надзей і чаканняў», а Захад можа гарантаваць бяспеку, паведаміла выданне.
Некаторыя прысутныя выказалі асцярогу, што сувязі з Расіяй будуць моцна парушаныя, іншыя дэпутаты паспрабавалі іх супакоіць, сказаўшы, што заяўкі звычайна разглядаюцца гадамі, але Пашынян даў зразумець, што Арменіі паабяцалі правесці працэс уступлення хутка, перадало Hraparak.
Адносіны Расіі і Арменіі астудзелі пасля таго, як АДКБ не адказала на просьбу Ерэвана дапамагчы адбіць атаку з боку Азербайджану. Статут АДКБ прадугледжвае магчымасць калектыўнай абароны, але ў арганізацыі заклікалі вырашыць пытанне не сілавым шляхам. Арменія затым некалькі разоў адмаўлялася ад удзелу ў сумесных вучэннях, улады паведамлялі, што сяброўства ў АДКБ не дае пераваг і прыносіць толькі рызыкі, у лютым яе сяброўства ў АДКБ было прыпынена.
«Я ўпэўнены, што ўсе гэтыя цяжкасці — яны пройдуць», — ацэньваў перспектывы прадстаўнік расійскага прэзідэнта Дзмітрый Пяскоў. Ён прызнаваў таксама, што Ерэван і Масква прытрымліваюцца дыяметральна процілеглых пунктаў гледжання на вайну ва Украіне.
Паводле РБК.