Каліфорнія. Дзясяткі загінулых
Амаль 70 загінулых у полымі пажараў, і звыш 600 зніклых без вестак. Такі папярэдні вынік стыхійнага бедства ў Каліфорніі.
Рассвет у водблісках полымя пажараў (Санта-Ана) Фота Рэйтэр)
У гэтым штаце цалкам згарэлі некаторыя населеныя пункты, як, да прыкладу, гарадок Парадайз. Людзі страцілі ўсе: дамы, маёмасць, аўтамабілі і, самае галоўнае, блізкіх і родных.
Судмедэксперты шукаюць парэшткі людзей у басейнах, у абгарэлых машынах — там, дзе яны спрабавалі або знайсці сховішча, або шукалі шляхі да выратавання з вогненнай пасткі.
Шэрыф і судмедэксперты выявілі парэшткі адной з ахвяраў у горадзе Парадайз. Фота Рэйтар
Улады тым часам
спрабуюць засвоіць урокі гэтай прыроднай катастрофы, каб пазбегнуць яе
паўтарэння ў будучыні.
Пра гэта, у прыватнасці, заявіў губернатар Каліфорніі Джэры Браўн, які адзначыў, што, "на шчасце, мы — багаты штат". Ён таксама сказаў, што "мы будзем сачыць за станам лясных масіваў, мы пастараемся ўлічыць у нашай будаўнічай палітыцы зробленыя памылкі, мы таксама маем намер збудаваць прытулкі, дзе б людзі маглі схавацца ад полымя, калі ўзнікне падобная сітуацыя. І так, нам давядзецца рэагаваць і на змены клімату, змяняючы нашы паводзіны".
Сабака-пошукавік дапамагае паліцыянтам шукаць ахвяраў на пажары. Фота Рэйтар
Белы дом
паведаміў, што ў суботу ў Каліфорнію прыбудзе Дональд Трамп, ён мае намер
сустрэцца з сем'ямі загінулых пагарэльцаў і з тымі, хто пацярпеў пры пажары,
але выжыў. Усяго былі эвакуяваныя больш за 300 тысяч чалавек.
З-за змены кірунку ветру моцна задымленыя такія гарады, як Сан-Францыска і найбліжэйшы да яго Окленд. У школах адменены заняткі, зачынены і знакаміты універсітэт Берклі.
Пажар, які атрымаў назву "Кэмп" цяпер часткова ўзяты пад кантроль, для яго тушэння былі мабілізаваны звыш 9 тысяч супрацоўнікаў пажарнай аховы штата.
Паводле euronews.com