Беларускія крышнаіты падтрымалі сваіх расійскіх аднаверцаў

Беларускія крышнаіты падтрымалі сваіх расійскіх аднаверцаў, паведаміў карэспандэнту“Новага часу прэсавы сакратар Мінскай абшчыны Міжнароднага таварыства свядомасці Крышны Сяргей Малахоўскі. Паводле яго слоў, 23 снежня крышнаіты сталіцы звярнуліся з лістом да пасла Расіі ў Беларусі Аляксандра Сурыкава з нагоды судовага працэса, які па ініцыятыве пракуратуры Томска адбываецца ў судзе Ленінскага раёна горада па прызнанню экстрэмісцкім матэрыялам святой кнігі "Бхагавад-гіта як яна ёсць" Бхакціведанты Свамі Прабхупады.



Беларускія крышнаіты падтрымалі сваіх расійскіх аднаверцаў, паведаміў карэспандэнту“Новага часу прэсавы сакратар Мінскай абшчыны Міжнароднага таварыства свядомасці Крышны Сяргей Малахоўскі. Паводле яго слоў, 23 снежня крышнаіты сталіцы звярнуліся з лістом да пасла Расіі ў Беларусі Аляксандра Сурыкава з нагоды судовага працэса, які па ініцыятыве пракуратуры Томска адбываецца ў судзе Ленінскага раёна горада па прызнанню экстрэмісцкім матэрыялам святой кнігі "Бхагавад-гіта як яна ёсць" Бхакціведанты Свамі Прабхупады.
Аўтары ліста зазначаюць, што к гэтаму суду прыкавана ўвага не толькі вернікаў, але і кіраўніцтва Індыі. “Па ўсяму свету людзі, спавядаючыя індуізм, прадстаўнікі іншых рэлігійных традыцый выказваюць пратэст супраць самой спробы асуджаць Святое Пісанне. Рэлігія – гэта веды, якія дадзены Богам, не даступныя метадам навуковага пазнання, а таксама знаходзяцца за межамі логікі і эксперыментальной праверкі. Людзі не адмовяцца ад веры, нягледзячы ні на якія высновы і доказы навукоўцаў, паколькі лічаць, што Гасподзь знаходзіцца за межамі іх разумення. Пры разглядзе справы суд абапіраецца на вывады навуковай эспертызы, гэта значыць -- на меркаванне невялікай групы навукоўцаў. Аднак агульнавядома, што ў навуковай супольнасці ні па аднаму пытанню няма адзінага меркавання. І заўсёды знойдуцца навукоўцы, якія стануць на абарону гэтай кнігі. Тым больш, што ёй захапляліся Леў Талстой, Махатма Гандзі, Альберт Эйнштэйн, Рамэн Ралан и шмат іншых выбітных дзеячоў навукі і культуры. Перакладзеная на больш чым 80 моваў свету і выдадзеная накладам больш за 100 мільёнаў асобнікаў, "Бхагавад-гіта як яна ёсць стала кіруючай сілай жыцця для многіх людзей ў Індыі і па ўсяму свету. Гэтае выданне выкарыстоўваецца ў якасці навучальнага дапаможніка ў шматлікіх універсітэтах свету, у тым ліку -- ў Оксфардскім. "Бхагавад-гіта як яна ёсць" распаўсюджваецца ў Расіі і Беларусі больш за 30 год сотнямі тысяч асобнікаў, але ні зафіксавана ні аднаго выпадку праяўленя экстрэмізма з боку тых, для каго гэтая кніга святая, -- гаворыцца ў лісце.
Яго аўтары выказваюць пратэст “ў сувязі з самой магчымасцю судзіць Святое Пісанне і спадзяванне, што “будзе прынята справядлівае рашэнне по гэтаму пытанню.

На думку Малахоўскага, судовы працэс у Томску прывядзе да росту папулярнасці кнігі і аўтарытэту веравызнання, а таксама негатыўна паўплывае наімідж Расіі. Любы суд над Святым Пісаннем прывядзе толькі да хваляванняў у грамадстве, падкрэсліў прэсавы сакратар абшчыны. Ён звярнуў увагу на тое, што ў Беларусі няма забаронаў на распаўсюджванне кніг веравызнання і ўстаўную дзейнасць абшчын крышнаітаў.
Паводле яго слоў, Мінская абшчына свядомасці Крышны, якая ўключае прыкладна тысячу прыхаджан, з'яўляецца найбуйнейшай у краіне. Усяго ў Беларусі дзейнічаюць больш за 10 абшчын крышнаітаў, што аб'ядноўваюць каля 3,5 тысяч вернікаў. "Шэсць абшчын, якія размяшчаюцца ва ўсіх абласных цэнтрах, прайшлі дзяржаўную перарэгістрацыю. Акрамя таго, у шэрагу райцэнтраў краіны дзейнічаюць незарэгістраваныя абшчыны крышнаітаў", — сказаў С.Малахоўскі.
Паводле яго слоў, згодна з палажэннямі закона "Аб свабодзе сумлення і рэлігійных арганізацыях", рэлігійнае аб'яднанне крышнаітаў можа быць створана толькі пры наяўнсці не менш 10 зарэгістраваных абшчын.
P.S. на здымках: харынама – шэсце беларускіх крышнаітаў у Віцебску са спевамі святых імёнаў Бога.