Беларуская чыгунка — за адстаўку Лукашэнкі і новыя выбары

Работнікі Беларускай чыгункі напісалі калектыўны ліст, у якім сярод іншага выступаюць за адстаўку Аляксандра Лукашэнкі і правядзенне новых выбараў, асуджаюць гвалт з боку сілавікоў. Пад зваротам падпісаліся амаль 1150 чалавек. Ліст накіравалі ў тым ліку ў Савет міністраў, Вярхоўны суд, Мінаблвыканкам, Мінгарвыканкам.

Подпісы, як паведамляецца, збіралі па ўсіх аддзяленнях БЧ. Паведамляецца, што некаторыя з работнікаў, якія збіралі подпісы, сутыкнуліся з пэўным ціскам з боку кіраўніцтва з-за сваёй актыўнасці. "Калі б не гэты момант, то подпісаў магло б быць прыкметна больш, калі меркаваць па настроях сярод калегаў датычна сітуацыі пасля 9 жніўня", — распавёў адзін з работнікаў.
Супрацоўнікі БЧ, якія падпісаліся пад зваротам, заяўляюць, што занепакоеныя тым, што адбываецца ў краіне пасля прэзідэнцкіх выбараў. "Нам з болем і шкадаваннем даводзіцца назіраць за падзеямі, якія з кожным днём прыводзяць да павелічэння колькасці пацярпелых, як якія прымалі ўдзел у вулічных мірных акцыях пратэсту, так і выпадковых мінакоў, аўтамабілістаў».
Работнікі БЧ лічаць непрымальным прымяненне сілы з боку сілавікоў у адносінах да мірных грамадзян. Таксама яны выказаліся на тэму мінулых прэзідэнцкіх выбараў:
— Мы не прызнаем вынікі прэзідэнцкіх выбараў 9 жніўня і афіцыйныя лічбы, агучаныя ЦВК.
Падпісанты ліста просяць:
адстаўкі Аляксандра Лукашэнкі;
адстаўкі ЦВК ў поўным складзе на чале з Лідзіяй Ярмошынай;
прызнаць прэзідэнцкія выбары сфальсіфікаванымі і несапраўднымі;
прыцягненне да адказнасці ўсіх датычных да фальсіфікацыі падліку галасоў на выбарах;
правесці новыя сумленныя выбары з празрыстым і зразумелым падлікам галасоў;
спыніць прымяненне сілы і зброі з боку сілавікоў у дачыненні да мірнага насельніцтва, а таксама незаконныя арышты і затрыманні;
вызваліць палітвязняў.
Работнікі БЧ просяць "спыніць ціск на тых сябраў выбарчай камісіі і назіральнікаў, якія сумленна выконвалі свае абавязкі". Таксама падпісанты выступаюць за тое, каб ўлады кампенсавалі матэрыяльную і маральную шкоду ўдзельнікам мірных акцый і аўтамабілістам, якія пацярпелі ад дзеянняў сілавікоў. Яшчэ адна просьба-не аказваць ціск на тых, хто падпісаў ліст, а кіраўніцтва БЧ — выступіць з каментаром па палітычнай абстаноўцы ў краіне і "весці канструктыўны дыялог з работнікамі прадпрыемства".
Падпісанты работнікі БЧ звяртаюць увагу на тое, што многія з іх не могуць далучыцца да агульнарэспубліканскага страйку, таму што іх праца звязана з бяспекай руху на чыгуначным транспарце. Але акцэнтуюць увагу на тое, што па Канстытуцыяй грамадзянам гарантуецца дзяржавай права на свабоду меркаванняў, перакананняў і іх свабоднае выказванне.
Паводле  finance.tut.by