Гродненскія абаронцы жывёл зрабілі антыкаляндар і адправілі яго ўраду (фота)

На дванаццаці старонках бяздомныя сабакі з прытулку «Адданыя сэрца» распавядаюць аб архітэктурных помніках Гродна і пра сваё жыццё.


Антыкаляндар адправілі ў беларускі ўрад, каб паўплываць на больш хуткае прыняцце Закона аб абавязковым клейміраванні або чыпіраванні.

— Звычайны каляндар мы вешаем, каб любавацца ім, а гэты — каб ціснуць на сэрца, сумленне і іншыя пачуцці, якія паўплываюць на прыняцце закона аб усеагульным клейміраванні або чыпіраванні. Антыкаляндар — гэта «нагадвальнік», і няхай гэтыя вочы кінутых жывёл глядзяць у душу, — распавядае Гродзенскаму Зялёнаму парталу старшыня ГООЗЖ «Адданыя сэрца» Алена Шыманіца.

Клейміраванне — гэта нанясенне асаблівай татуіроўкі на скуру жывёлы. Чыпіраванне — увядзенне пад скуру жывёлы асаблівага мікрачыпа, на якім утрымліваецца інфармацыя пра жывёлу і яго ўладальніку. Затым ствараецца агульнарэспубліканская база жывёл, інфармацыя з якой дапамагае ў многіх сітуацыях.

Па-першае, гэта спрашчае пошук жывёлы, калі яня згубілася. Гаспадароў па базе можна аператыўна знайсці, зараз на гэта патрэбны дні, пакуль жывёла знаходзіцца ў Спецаўтагаспадарцы. Па-другое, гэта дапаможа дзяржаве марнаваць менш сродкаў на ўтрыманне сабак, якія знаходзяцца ў САХе.





Па-трэцяе, нядобрасумленных гаспадароў можна будзе прыцягнуць да адказнасці за жорсткае абыходжанне з жывёлай у выпадках, калі яны былі кінуты або забіты.

А вось калі жывёла стэрылізавана можна паменшыць падатак гаспадару.


Па-чацвёртае, зменшацца выпадкі крадзяжу пародзістых жывёл.

А калі вулічная жывёла ўкусіла чалавека, па інфармацыі ў базе лёгка даведацца, якія прышчэпкі былі ў жывёлы, і якія рэчывы варта ўвесці пацярпеламу ад яе ўкусу.



Алена Шыманіца кажа, што прасцей правесці агульнарэспубліканскае клейміраванне. Гэта танна: грошы спатрэбяцца на стварэнне базы і непасрэдна клейміраванне. На кляйме можна размясціць нумар рэгіёну і літары «BY». Для жывёл гэтая працэдура падобная на прышчэпку.

Аўтарам ідэі антыкалендара стаў гродзенскі піяршчык Міхаіл Ліс. Фатаграфаваў бяздомных жывёл Ян Хведчын.

А вось такія незвычайныя карціны прадставілі мастачка Людміла Мацісовіч і зоаабарончыя арганізацыя «След жыцця»: работы намаляваныя на рэнтгенаўскіх здымках рэальных траўмаў катоў і сабак, якія пацярпелі ад чалавечай жорсткасці.

У падтрымку бяздомных жывёл у Гродна таксама стварылі партрэт Беларусі.

Падпішыце петыцыю, створаную, каб прапанаваць больш эфектыўныя спосабы вырашэння праблемы бездаглядных жывёл.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: