Навумчык: Перад тым, як прыняць рашэнне пра эміграцыю, сыходзьце з самых дрэнных прагнозаў

«Эміграцыя — адно з найцяжэйшых рашэнняў, якое чалавек можа прымаць у сваім жыцці», — мяркуе Сяргей Навумчык.


Пра гэта палітык, пісьменнік, эмігрант напісаў у сваім Facebook.

— Выязджаючы з Мінску ў сакавіку 1996-га, думаў, што еду на два месяцы максімум — аказалася, на 20 гадоў (цяпер ужо 25). Перад тым, як прыняць рашэнне, сыходзьце з самых дрэнных прагнозаў. З таго, што гэта можа быць на вельмі, вельмі доўга. Не 25 гадоў, як у мяне, але і не 5.

Магу сказаць, што першы год — самы лёгкі, у псіхалагічным плане (хаця ён падасца вам цяжкім), дзейнічае яшчэ энергетыка Радзімы, назавем яе гэтак. А далей будзе яшчэ цяжэй. Гадоў праз 10 ўжо не тое што лёгка, але прасцей.

Сыходзьце з таго, што эміграцыя можа быць спосабам выратавання жыцця, але зусім не здабыццё лягчэйшага жыцця.

Зразумела, гэта тычыцца тых, хто не можа прыехаць на Радзіму; эканамічная ці эміграцыя з прычыны шлюбу — іншая справа. Але я пішу пра тое, што зведаў на ўласным вопыце, — написащ палітык.

Нагадаем, пасля пачатку «справы “Нашай Нівы”» і масавых ператрусаў у рэдакцыях незалежных СМІ з краіны з’ехалі шэраг вядомых журналістаў — у прыватнасці Таццяна Каравенкова з БелаПАН, Віталь Цыганкоў з Радыё Свабода, Зміцер Лукашук з Еўрарадыё.



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: