Па АНТ распавялі, «у чым сутнасць прэтэнзій» да дырэктара гродзенскага дзіцячага хоспіса

Дырэктара гродзенскага дзіцячага хоспіса Вольгу Вялічка падазраюць у незаконным выкарыстанні спонсарскай дапамогі. Узбуджаная крымінальная справа. Дзяржкантроль праводзіць праверку. Такая інфармацыя прагучала ў эфіры АНТ.

Паведамляецца, што праверку пачалі «з-за неаднаразовых скаргаў не толькі грамадзян, але і юрыдычных асобаў».
- Грошы збіраліся хоспісам ў 2017-2018 гадах у рамках дабрачыннай акцыі «Дыхай дома» і пералічваліся на спецыяльны разліковы рахунак. Па заканчэнні акцыі ў чэрвені 2018 года дырэктар Гродзенскага дзіцячага хоспіса Вялічка зняла з дадзенага разліковага рахунку (звыш 17 тысяч рублёў) і канвертавала іх у замежную валюту. У той жа перыяд часу Вялічка быў складзены фіктыўны акт прыёму-перадачы грашовых сродкаў, у адпаведнасці з якім бацькам хворага дзіцяці нібыта былі перададзеныя наяўныя грошы ў названай суме для самастойнага набыцця апарата ШВЛ. На самай справе ні грашовых сродкаў, ні апарат ШВЛ бацькам дзіцяці не перадавалася, - заявіў прадстаўнік Упраўлення дэпартамента фінансавых расследаванняў КДК па Гродзенскай вобласці Аляксандр Петрусенка.
Грошы збіралі на апарат для 5-гадовай Дашы, але дзяўчынка яго так і не атрымала, гучыць у сюжэце.
Яшчэ адзін прыклад «незаконнага выкарыстання спонсарскай дапамогі дырэктарам» прыводзіць начальнік упраўлення кантролю бюджэтна-фінансавай сферы КДК Гродзенскай вобласці Таццяна Слабыш:
- У жніўні 2020 год хоспіс атрымаў спонсарскую дапамогу ад двух суб'ектаў гаспадарання на аздараўленне дзяцей у лагеры «Нёман-72». Аднак, як гэта адзначана ў ходзе праверкі, хоспіс не складаў дагаворы на аздараўленне дзяцей.
Сярод парушэнняў - адсутнасць інвентарызацыі.
- Прасцей кажучы, уся перададзеная маёмасць не падлягала ўліку, — распавялі ў Дзяржкантролі. Спонсарскай дапамогай, мяркуюць у ведамстве, маглі злоўжываць. У дачыненні да дырэктара хоспіса распачата крымінальная справа - як раз у крадзяжы жанчыну і падазраюць. Пакаранне па артыкуле - аж да 10 гадоў пазбаўлення волі (верагодна, гаворка ідзе пра арт. 210 (Крадзёж шляхам злоўжывання службовымі паўнамоцтвамі) КК РБ. - Заўвага. TUT.BY), - паведамляе аўтар сюжэту. І дадае, што «пытанні па частцы выканання закона ўзніклі толькі да дырэктара», а «хоспіс, як дабрачынная арганізацыя, можа і нават павінен захавацца».
Грамадская дабрачынная арганізацыя "Гродзенскі дзіцячы хоспіс" была заснавана ў 2008 годзе для дапамогі цяжка і безнадзейна хворым дзецям, якія маюць множныя парушэнні развіцця, і іх сем'ям. Сёння пад апекай арганізацыі знаходзяцца больш за 50 сем'яў. Раней прэтэнзій да арганізацыі не было. Праблемы з'явіліся гэтай восенню, пасля таго як 15 кастрычніка ў адным з двароў у мікрараёне Альшанка падчас дабрачыннай сустрэчы была затрыманая яе дырэктар Вольга Вялічка. Жанчына правяла суткі ў ІЧУ, а пазней была аштрафаваная на 15 базавых за ўдзел у несанкцыянаваным мітынгу, які праходзіў 6 верасня ў абласным цэнтры. 22 кастрычніка ў хоспіс прыйшлі супрацоўнікі ДФР.
У пратаколе агляду было напісана, што праводзіцца праверка «у дачыненні да службовых асоб АБА "Гродзенскі дзіцячы хоспіс" па фактах заніжэння падаткаабкладальнай базы і ўхілення ад выплаты сум падаткаў".
1 снежня супрацоўнікі ДФР з'явіліся ў хоспісе зноў і забралі  апарат ШВЛ, які належыць арганізацыі.
Што тычыцца дырэктара арганізацыі, то яна была вымушаная часова з'ехаць за мяжу. Паводле яе слоў, штуршком да пераезду стаў званок са школы, у якім ёй сказалі, што рыхтуецца сацыяльнае расследаванне, пасля якога могуць забраць дзяцей з сям'і.
- У той жа дзень мне сказалі, што нейкая структура мною цікавіцца. Тады стала нясмешна. Мы пераначавалі дома, сабралі невялікую сумку, забралі дзяцей і раніцай з'ехалі. У чацвер у хоспіс прыйшоў ДФР з заявай, што арганізацыя не плаціць падаткі. Казалі, што і ў дачыненні да мяне распачалі крымінальную справу. Аднак ці так гэта - невядома, таму што адвакату не даюць азнаёміцца, - распавяла Вольга Вялічка «Радыё Свабода».
tut.by