Польшча хоча падзяліць Белавежскую пушчу на тры зоны

У суседняй краіне працягваюцца дэбаты пра лёс Белавежскай Пушчы.

У адпаведнасці з апошнімі планамі польскага міністра аховы навакольнага асяроддзя Хенрыка Кавальчыка, гэты ўнікальны прыродны рэзерват у будучыні могуць падзяліць на тры часткі — уласна запаведнік, нацыянальны парк і зону, адкрытую для эканамічнай і гаспадарчай дзейнасці чалавека, піша tut.by.
Кіраўнік экалагічнага ведамства адзначыў, што да абмеркавання гэтай тэмы плануюць прыцягнуць не толькі польскіх, але і замежных спецыялістаў.
Па словах міністра, «чалавек таксама з'яўляецца часткай навакольнага асяроддзя» і забываць пра яго інтарэсы ня варта. Ён растлумачыў, што тэрыторыі, дзе будзе дазволена паляванне, а таксама збор грыбоў, ягад і іншых дароў лесу, не будуць агароджвацца, але на ўсіх сцежках і дарогах, што вядуць у лясныя ўгоддзі, будуць вывешаны папераджальныя таблічкі, «знешні выгляд якіх у цяперашні час абмяркоўваецца» .
Нагадаем, вакол высечкі Белавежскай пушчы ў Польшчы разгарэўся скандал. Па планах урада, у пушчы высечцы падлягаюць каля 1,3 млн дрэў, заражаных небяспечным шкоднікам — караедам-тыпографам. Сотні палякаў выйшлі на вуліцы ў знак пратэсту супраць высечкі дрэў у Белавежскай пушчы.
У сваю чаргу эколагі пратэстуюць супраць гэтых планаў і патрабуюць даць магчымасць рэліктаваму лесу самастойна справіцца з натуральнымі працэсамі абнаўлення масіва. Еўракамісія ў 2016 годзе завяла справу супраць краіны за высечку дрэў у пушчы. Суд Еўрасаюза прысудзіў Польшчы штраф у памеры 100 тысяч еўра ў дзень за высечку лясоў Белавежскай пушчы.

Тым часам

Польшча і Беларусь рыхтуюць план кіравання Белавежскай пушчай.
Генеральны дырэктар Дзяржаўнага лясной гаспадаркі Польшчы «Дзяржаўныя лясы» Анджэй Канечны паведаміў, што на распрацоўку праграмы развіцця Белавежскай Пушчы спатрэбіцца ад 3 да 5 гадоў. Для гэтага будзе створана спецыяльная група, якая зоймецца складаннем плана абароны пушчы. У гэтую групу ўвойдуць эколагі, леснікі і прадстаўнікі грамадскасці, паведамляе «Радыё Польшча».
Па словах Анджэя Канечнага, з 2016 года сумесна з Беларуссю ідзе падрыхтоўка трансгранічнага плана кіравання Белавежскай пушчай.
Белавежская пушча — адзін з найбуйнейшых і самых старажытных лясных масіваў раўніннай Еўропы. Яго тэрыторыя падзелена дзяржаўнай мяжой на дзве часткі — беларускую і польскую. Частка тэрыторыі Белавежскай Пушчы — польскі дзяржаўны нацыянальны парк — быў унесены ў Спіс сусветнай спадчыны ЮНЕСКА яшчэ ў 1979 годзе, а ў 1992 годзе ў прыродаахоўную зону была ўнесена частка беларускага нацыянальнага парку. У 2014 годзе ў спіс быў унесены адзіны трансгранічны аб'ект.
Паводле greenbelarus.info