«Трэба рукі трымаць падалей ад Курапатаў» — рокер Кулінковіч

«У такі рэстаран я б не пайшоў ні ў якім выпадку, нават за вялікія грошы. Ніколі», ​— лідэр рок-гурту «Нейра Дзюбель» Аляксандр Кулінковіч выказаўся пра канфлікт вакол рэстарацыі каля месца масавых расстрэлаў ахвяраў сталінскіх рэпрэсій. Пра гэта паведамляе Радыё Свабода
«​Такія месцы, як Курапаты — яны намоленыя. Яны намоленыя не тое што людзьмі, якія там загінулі, яны намоленыя людзьмі, якія іх абараняюць. І трэба рукі трымаць падалей ад такіх месцаў, як Курапаты», — кажа вядомы рок-спявак.

«Зразумела, рэстарацыя не мае рацыі, — лічыць Аляксандр Кулінковіч. — Даволі дзіўна было рабіць піцейную і карміцельную ўстанову на касцях. Напэўна, я тут не арыгінальны. У нашым горадзе хапае месцаў, дзе можна гэта зрабіць».

Што важна ведаць: пратэсты супраць новай рэстарацыі ў Курапатах

• Рэстаран «Поедем поедим» у Курапатах меркавана запрацаваў увечары 5 чэрвеня.

• Грамадзкія актывісты штодня ад 31 траўня пікетуюць забаўляльны комплекс, патрабуючы закрыцця рэстарацыі.

• 1 чэрвеня рэстаран «Поедем поедим» пачаў рэкламавацца ў інтэрнэце.

• 28 траўня карэспандэнт Свабоды трапіў на тэрыторыю комплексу, дзе пабачыў падрыхтоўку да хуткага адкрыцьця рэстарацыі.

• Адрас рэстарацыі супадае з адрасам ТАА «Амізбел», якое было створана кампаніяй «Белноватэкс груп». Апошняя валодае шэрагам фешэнэбэльных рэстаранаў у Мінску.

• Рэстарацыя стаіць за 50 метраў ад месца, дзе ў 1930-я адбываліся масавыя расстрэлы. Карнікі НКВД расстралялі тут ад 30 тысяч да 250 тысяч чалавек.

• Будоўля забаўляльнага комплексу пад назвай «Бульбаш-хол» пачалася ў 2010 годзе ў ахоўнай зоне Курапатаў. У 2013-м ахоўную зону зменшылі. Гісторыя будаўніцтва і змаганьня тут.

• Першая грамадзкая абарона Курапатаў адбывалася ў 2001–2002 гг., калі моладзь пратэставала супраць пашырэньня кальцавой дарогі праз урочышча. На пачатку 2017-га актывісты адстаялі Курапаты ад будоўлі бізнэс-цэнтру.

Сталінскія рэпрэсіі і Курапаты

У Беларусі масавыя рэпрэсіі пачаліся яшчэ з прыходам да ўлады бальшавікоў — у 1917 годзе. А скончыліся, калі памёр Сталін — у 1953-м.

Даследчыкі мяркуюць, што пад іх падпалі як мінімум 600 тысяч чалавек. Паводле іншых ацэнак, гэтая лічба дасягае 1,4 мільёна.

Але дакладныя лічбы не вядомыя — КДБ дагэтуль не раскрыў архівы.

Паводле розных падлікаў, ад 30 да 250 тысяч чалавек карнікі НКВД расстралялі з 1937 па 1941 гады ў Курапатах — лясным масіве пад Мінскам.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: