Закон аб амністыі не распаўсюджваецца на асуджаных па «папулярных» палітычных артыкулах

Да таго ж амністыя не распаўсюджваецца на тых, хто ўключаны ў спісы «экстрэмістаў» і «тэрарыстаў», а таксама на тых, каго прызналі «злоснымі парушальнікамі парадку» падчас адбывання пакарання.

Аляксандр Лукашэнка падпісаў закон «Аб амністыі ў сувязі з 80-годдзем вызвалення Беларусі ад нямецка-фашысцкіх захопнікаў». Дакумент ужо набыў моц, ён апублікаваны на Нацыянальным прававым партале, піша «Медыязона. Беларусь».

Закон распаўсюджваецца на:

• непаўналетніх
• цяжарных жанчын;
• жанчын і адзінокіх мужчын, якія маюць дзяцей ва ўзросце да васемнаццаці гадоў, за выключэннем тых, хто ўчыніў наўмыснае злачынства ў адносінах да непаўналетняга;
• асоб, якія дасягнулі агульнаўстаноўленага пенсіённага ўзросту;
• інвалідаў І і ІІ групы;
• асоб, хворых на туберкулёз і аднесеных да IА, IIА, III групам дыспансернага назірання;
• асоб, хворых на анкалагічныя захворванні другой, трэцяй, чацвёртай клінічных груп;
• ВІЧ-інфіцыраваных з 3-й і 4-й стадыямі захворвання па клінічнай класіфікацыі Сусветнай арганізацыі аховы здароўя;
• грамадзян, якія пацярпелі ад катастрофы на Чарнобыльскай АЭС, іншых радыяцыйных аварый;
• асоб, якія атрымалі раненні (кантузіі), калецтвы, захворванні пры выкананні абавязкаў у перыяд ваеннай службы ў арміі і флоце СССР, а таксама ў арміі Беларусі, службы ў Следчым камітэце, Дзяржаўным камітэце судовых экспертыз, органах унутраных спраў, фінансавых расследаванняў Камітэта дзяржаўнага кантролю, пракуратуры, органах і падраздзяленнях па надзвычайных сітуацыях.

Хронікі рэпрэсій за 2 ліпеня: На волю могуць выпусціць цяжкахворых палітвязняў

Згодна з артыкулам 1, гэтыя людзі вызваляюцца ад грамадскіх работ, штрафу, пазбаўлення права займаць пэўныя пасады або займацца пэўнай дзейнасцю, папраўчых работ, абмежаванняў па ваеннай службе, арышту, абмежаванні волі, пазбаўлення волі на пэўны тэрмін, а таксама ад іншых мер крымінальнай адказнасці ў выглядзе асуджэння з адтэрміноўкай, асуджэння ўмоўна, асуджэння без прызначэння пакарання.

Ад пакарання ўмоўна на неадбытую частку пакарання вызваляюцца не пералічаныя ў артыкуле 1, але якія ўчынілі злачынствы, якія не ўяўляюць вялікай грамадскай небяспекі.

Па артыкуле 5, пакаранне ў выглядзе пазбаўлення волі замяняецца абмежаваннем волі без накіравання ў ВУАТ (хатняя хімія). Гэта адносіцца да не пералічаных у артыкуле 1, але якія ўчынілі злачынствы, якія не ўяўляюць вялікай грамадскай небяспекі.

Акрамя таго, амніставаць не будуць тых, хто здзейсніў злачынствы па шэрагу «палітычных» артыкулаў: аб масавых беспарадках (артыкул 293 КК), аб грубым парушэнні парадку (артыкул 342 КК), аб распальванні варожасці (артыкул 130 КК), аб дзяржздрадзе (артыкул 356 КК), аб стварэнні экстрэмісцкага фарміравання (артыкул 361-1 КК), аб садзейнічанні экстрэмісцкай дзейнасці (артыкул 361-4 КК), аб абразе Лукашэнкі (артыкул 368 КК) і абразе прадстаўніка ўлады (артыкул 369 КК).