Жыхары Масюкоўшчыны сабралі 2700 подпісаў супраць ушчыльнення

Грамадства

Адна з самых маштабных горадабудаўнічых драм апошніх гадоў разгортваецца цяпер у мікрараёне Масюкоўшчына. За 39 дзён грамадскага абмеркавання яе жыхары сабралі 2700 подпісаў супраць будаўніцтва 328 тыс. кв. м жылля, што прадугледжвае павелічэнне насельніцтва раёна амаль удвая.

masiukoushcyna.jpg

У апошні дзень грамадскага абмеркавання (21 красавіка) калектыўны зварот і подпісы былі накіраваныя ў адміністрацыю Фрунзенскага раёна, Камітэт архітэктуры і горадабудаўніцтва Мінгарвыканкама і УП «Мінскграда».


Згодна з праектам, жылая тэрыторыя ў межах вул. Лынькова — вул. П. Глебкі — праезд Масюкоўшчына — камунальная зона будзе павялічана з 23,7 да 60,6 га, яго насельніцтва вырасце з 8,4 тыс. Да 17,6 тыс. Між вуліцамі П. Глебкі і Цімашэнка з'явіцца трэцяе транспартнае кальцо, а тэрыторыя вытворчай зоны будзе павялічана.


Актывісты прапаноўваюць:

  • Скараціць аб'ём жылога і грамадскага фонду, які плануецца тут пабудаваць, і ў прыватнасці адмовіцца ад ўшчыльнення двароў 16-павярховымі «слупкамі».
  • Не будаваць трэцяе транспартнае кальцо паміж вул. П. Глебкі і Цімашэнка, а таксама развязку, што ўваходзіць у яго склад.
  • Выключыць запраектаваныя вуліцы, якія павінны прайсці праз жылыя кварталы і не пашыраць вуліцу Лынькова.
  • Будаваць вытворчыя аб'екты ў межах існуючай прамзоны, не павялічваючы яе тэрыторыю.
  • Адмовіцца ад пераводу жылля ўздоўж чыгункі ў статус адміністрацыйных памяшканняў.


Прэзентацыя забудовы Масюкоўшчыны адбылася толькі з другой спробы: у першы раз зала для правядзення мерапрыемства не змагла змясціць усіх жадаючых. Жыхары раёна пакінулі прэзентацыю з цвёрдым намерам накіраваць ліст у Канстытуцыйны суд.

masiukoushcyna2.jpg

— Нас абурыў падыход арганізатараў да падрыхтоўкі грамадскага абмеркавання, склалася ўражанне, што яны хацелі правесці яго кулуарна, не прыцягваючы ўвагі жыхароў мікрараёна, — мяркуе Аляксандр Бахар, удзельнік ініцыятыўнай групы. — Прадстаўлены праект патрабуе дэталёвай перапрацоўкі ў адпаведнасці з нарматыўнымі дакументамі: у яго эскізе мы выявілі істотныя парушэнні архітэктурна-будаўнічых нормаў.


— Грамадскае абмеркаванне і рэакцыя мясцовых жыхароў на планы гарадскіх уладаў паказалі, што практыка праектавання развіцця гарадскіх тэрыторый без папярэдняга ўліку меркавання мясцовых жыхароў, іх інтарэсаў і пажаданняў часцяком прыводзіць да канфліктаў і супрацьстаяння гараджан і гарадской адміністрацыі, — лічыць Дзяніс Кобрусеў, актывіст кампаніі «Генплан — для мінчан!».  — Для таго, што б горад быў зручным і камфортным, трэба мяняць гэтую практыку.


Паводле Realt.by