“Зорка Венера”, “Мая малітва” і “Пагоня”: у Мінску прайшоў вечар беларускай паэзіі (фотарэпартаж)
У апошнюю пятніцу зімы, 26 лютага адбыліся адразу дзве паэтычныя імпрэзы. Першая з іх “Art Jam” у “Доме Фішара” — вечарына пачынаючых паэтаў, другая жа атрымала назву “Вечар Беларускай паэзіі” — марапрыемства з лірычнай праграмай, куды ўвайшла і музычная частка. Падзея праходзіла ў свабоднай прасторы “Хто такі Джон Голд?”. Туды і завітаў карэспандэнт “Новага часу”.
Вось так чыталі байкі Кандрата Крапівы
Адкрывалі падзею зусім малады квартэт. Музыкі выканалі некалькі песень
Большасць наведвальнікаў – моладзь, але на падзею прыйшла і паэтка Ядвіга Рай. Яна піша вершы ўжо 50 год, але па яе словах гэта не такі і вялікі час
Кен вітаецца з наведвальнікамі вечарыны
Музыка Павел Шэмеш распачаў свой выступ з іспанамоўнай песні, а потым «пераключыўся» на «Каня незацуглянага» Генадзя Бураўкіна
Музыкі з "Амарокі" выканалі акустычны сэт з дужа лірычнымі песнямі
Падчас імпрэзы адбыўся і конкурс-латэрэя ад спонсараў
Ігар Хмара чытаў даволі кантрасныя вершы. Ягоны выбар паў на вершы Уладзіміра Караткевіча і творчасць Віктара Жыбуля
Першым на паэтычнай рубрыцы "Вольнае слова" выступіў са сваімі вершамі Максім Хацько. Творца прызнаўся, што яшчэ дрэнна валодае беларускай мовай, але ўжо год піша свае творы па-беларуску
Сканчваў вечар музычным выступам яшчэ аднаго маладога гурта, музыкі спелі "Простыя словы" Лявона Вольскага, прычым большасць наведвальнікаў ім падпявалі і атрымалася вельмі ўтульная атмасфера
Як жа ў такой прасторы без кніг Айн Рэнд?
Малады лірык і спявак Ілля Фаляжынскі сыграў "Зорку Венеру" Багдановіча
Мерапрыемства ўяўяле сабою фармат свабоднага мікрафону — кожны, жадаючы можа выступіць са сваімі вершамі альбо прачытаць творы вядомых паэтаў. Апроч паэтычнай частцы, на вечары выступілі музыкі Ілля Фаляжынскі і Павел Шэмеш, гурт “Amaroka” і два зусім маладых калектывы, якія яшчэ нават не маюць назву. Імпрэзу праводзіў паэтычны праект “Вечар”. Па словах арганізатараў гэта першае і не апошняя вечарына, прысвечаная беларускамоўных паэзіі.
Паміж выступамі творцаў вядучыя падзеі распавядалі цікавыя факты пра беларускіх пісьменнікаў, а таксама паказалі некалькі відэаролікаў. У адным з іх вядоўцы правялі апытанне наколькі сучасная моладзь пазнае беларускіх паэтаў. Вынікі аказаліся даволі жахлівымі: Рыгора Барадуліна назвалі мастаком, Максіма Багдановіча зблыталі з Аляксандрам Блокам, Коласа не адрознілі ад Купалы. Толькі два чалавекі адказалі на ўсе пытанні правільна.
Другое відэа складалася з урыўкаў спеваў “Мая малітва” Янкі Купалы ў выкананні грамадзянаў Бельгіі, Нарвегіі, Турцыі, Германіі ды іншых краін. На двух астатніх відэаролікаў звярнуліся па-беларуску да гледачоў два хлопцы. Першы, Кен — жыхар Японіі, вучыў у Мінску беларускую мову і літаратуру. Студэнт піша дыпломную працу па творчасці Максіма Багдановіча і, па яго прызнанню, хоча ў Токіа далей выкладаць беларускую літаратуру нашаніўскага перыяду. На другім відэа грамадзянін Бразіліі Патэрсан распавёў, што ажаніўся на беларуске і яму захацелася вывучыць мову каханай. Бразілец прачытаў верш “Зоркі Геркулеса” амаль без акцэнту.