Літва жорстка адказала на прапанову Рыжанкова «нармалізаваць адносіны»
МЗС Літвы адказала лукашэнкаўскаму міністру замежных спраў Максіму Рыжанкову на прапанову «нармалізаваць адносіны» паміж краінамі.
У міністэрстве сцвярджаюць, што ўвогуле не атрымлівалі ад Беларусі ніякіх прапаноў па аднаўленні адносін з Літвой, і адзначаюць, што гэта стане магчымым толькі тады, калі Мінск правядзе дэмакратычныя рэформы, вызваліць палітвязняў, а тых, хто праводзіць рэпрэсіі, прыцягнуць да адказнасці.
«Міністэрства замежных спраў Літвы не атрымлівала па дыпламатычных каналах прапановы беларускага боку, пра якія гаворыцца ў артыкуле, апублікаваным міністрам замежных спраў Беларусі», — паведамілі агенцтву BNS на гэтым тыдні ў ведамстве.
Так у МЗС пракаментавалі каментар міністра замежных спраў Беларусі Максіма Рыжанкова, апублікаваны на гэтым тыдні ў газеце аміністрацыі Лукашэнкі «СБ. Беларусь сёння».
У ім гаворыцца, што Мінск неаднаразова выказваў гатоўнасць пачаць кансультацыі з Вільняй аб нармалізацыі адносін, а таксама падкрэсліваецца магчымасць «працы з парламентарыямі, любымі ўпаўнаважанымі літоўскімі дэлегацыямі».
У адказ МЗС Літвы агучыла ўмовы нармалізацыі адносін. Паводле заявы ведамства, для гэтага неабхода, как рэжым Лукашэнкі вызваліў усіх палітвязняў, кампенсаваў панесеную імі шкоду і ўсіх жыхароў Беларусі, якія пацярпелі ад рэпрэсій, і правёў судовы пераслед вінаватых у гвалце і зверствах.
«Рэжым, які кіруе Беларуссю, працягвае рэпрэсіі супраць грамадзянскай супольнасці краіны, утрымлівае больш за 1300 палітычных зняволеных у жорсткіх умовах, працягвае аказваць падтрымку Расіі ў яе незаконнай агрэсіі супраць Украіны, дапамагае ёй абыходзіць заходнія санкцыі, ажыццяўляе дэзінфармацыю і гібрыдныя атакі на суседнія краіны», — гаворыцца ў каментары.
На думку МЗС, для нармалізацыі адносін Мінск таксама павінен правесці ў краіне свабодныя і справядлівыя выбары, узяць на сябе адказнасць за рэпрэсіі і выплаціць кампенсацыі пацярпелым не толькі ў Беларусі, але і ва Украіне.
«Рэжым Лукашэнкі выдатна ведае, пры якіх умовах можна чакаць аднаўлення адносін паміж Літвой і Беларуссю, якія паваліліся па віне рэжыму: вызваліць усіх палітвязняў, даць кампенсацыю ім і ўсім беларусам, якія пацярпелі ад прымусу рэжыму за прычыненую шкоду прыцягнуць да адказнасці вінаватых у гвалце і злачынствах — не толькі непасрэдных выканаўцаў, але і асоб, якія аддавалі загады», — гаворыцца ў паведамленні міністэрства.
«Таксама неабходна правесці свабодныя і справядлівыя выбары, забяспечыць адказнасць рэжыму і аднавіць справядлівасць для народа Беларусі, пацярпелага ад прымусу рэжыму, і народа Украіны, пацярпелага ад ваеннай агрэсіі і злачынстваў супраць чалавечнасці, у тым ліку дапамагання і падбухторвання да выкрадання людзей, вывазу ўкраінскіх дзяцей», — гаворыцца ў каментары.
Глядзіце таксама
У той жа дзень, калі быў апублікаваны артыкул Рыжанкова, у акаўнце МЗС Беларусі ў сацыяльнай сетцы Х з'явіўся фрагмент гэтага тэксту, перакладзены на літоўскую мову.
«Парадокс у тым, што самі жыхары Літвы, многія з якіх актыўна наведваюць Беларусь па бязвізавым рэжыме, таксама шчыра не разумеюць, што адбываецца і навошта гэта трэба літоўскаму кіраўніцтву», — гаворыцца ў ім.
«У Мінску ёсць дакладнае разуменне, што неабходна адысці ад краю прорвы і вярнуцца да канструктыўнага супрацоўніцтва, пакуль не позна. Акрамя таго, літоўскі бок павінен распачаць гэтыя крокі ўжо сёння, таму што ў многіх сферах, такіх як эканоміка, лагістыка і міжасобасныя кантакты, мы можам проста наблізіцца да той кропкі, з якой няма шляху назад. Гісторыя нам гэтага не даруе», — заяўляе Рыжанкоў у прапагандысцкім артыкуле.
Літоўскія палітыкі на гэтым тыдні паведамілі, што каментар Рыжанкова можа быць звязаны з выбарамі, якія пройдуць у Літве ў кастрычніку, і назвалі яго правакацыяй.
У сваю чаргу, у МЗС Літвы адзначылі, што «мэты рэжыму Лукашэнкі, несумненна, уяўляюць пагрозу нацыянальнай бяспецы Літвы».
У МЗС заявілі, што Літва працягне дамагацца міжнароднай ізаляцыі гэтага рэжыму і ўзмацнення жорсткасці санкцый, і заклікалі міжнародных партнёраў пашырыць санкцыі і ўзмацніць палітычны ціск.
«Пакуль працягваецца гэтая незаконная, агрэсіўная дзейнасць рэжыму, якая парушае правы чалавека і міжнароднае права, санкцыі супраць гэтага рэжыму павінны быць пашыраныя, а Лукашэнка і яго прыхільнікі павінны быць прыцягнутыя да адказнасці», — заявілі ў міністэрстве.