Еўрасаюз пазбавіў Расію статусу "стратэгічнага партнёра"
Еўрапейскі парламент мяркуе, што Расійская Федэрацыя больш не можа разглядацца краінамі ЕС у якасці стратэгічнага партнёра.
Пра гэта ідзе размова ў дакладзе адносна адносін ЕС з Расіяй, падрыхтаваным дэпутатам Габрыэліўсам Ландсбергісам, і зацверджаным падчас пленарнага паседжання Еўрапарламента ў Страсбургу.
"(ЕП) падкрэслівае, што за дзеянні ў Крыме і ва Усходняй Украіне Расія больш не можа разглядацца як "стратэгічны партнёр"; паказвае, што стратэгічнае партнёрства павінна грунтавацца на ўзаемным даверы і павазе міжнароднага права, заснаванага на дэмакратыі, а таксама на дзяржаўным суверэнітэце і свабодзе выбару дзяржавай ўнутранага канстытуцыйнага парадку і напрамку знешняй палітыкі, тэрытарыяльнай цэласнасці дзяржавы, а таксама на павазе вяршэнства права, правоў чалавека і прынцыпаў міжнароднай дыпламатыі і гандлю", — гаворыцца ў дакладзе.
Еўрапарламент адзначае, што прамы і ўскосны ўдзел Расіі ва ўзброеным канфлікце ва Украіне і незаконная анэксія Крыма разам з парушэннем тэрытарыяльнай цэласнасці Грузіі, эканамічным ціскам і палітычнай дэстабілізацыяй сытуацыі ў сваіх еўрапейскіх суседзяў з'яўляецца наўмысным парушэннем дэмакратычных прынцыпаў і фундаментальных каштоўнасцяў і міжнароднага права.
"У гэтым кантэксце ЕС не можа разглядаць вяртанне да "справау, як заўсёды" і не мае іншага выбару, як правесці крытычную пераацэнку сваіх адносінаў з Расіяй, якая ўключае ў сябе распрацоўку ў сціснутыя тэрміны плана «мяккай сілы», каб супрацьстаяць агрэсіўнай палітыцы, якую праводзіць Расія, і комплексны план адносна будучых адносін з гэтай краінай і з усходнімі партнёрамі Еўропы", — падкрэслівае Еўрапарламент.
Еўрадэпутаты таксама перакананыя, што ўрэгуляваць канфлікту на ўсходзе Украіны можна толькі палітычным шляхам.
Разам з тым яны выказалі глыбокую занепакоенасць тым, што Расія "адкрыта пазіцыянуе сябе і дзейнічае так, што кідае выклік міжнароднай дэмакратычнай супольнасці і яе парадку, імкнучыся сілай перакроіць межы ў Еўропе".
"(ЕП) занепакоены ростам атмасферы нянавісці, накіраванай супраць апазіцыйных актывістаў, праваабаронцаў, прадстаўнікоў меншасцяў і суседніх краін і пагаршэннем становішча ў сферы правоў чалавека і вяршэнства права ў Расіі", — адзначаецца ў дакладзе.
Разам з тым у Еўрапарламенце лічаць, што "канструктыўныя і прадказальныя адносіны паміж ЕС і Расіяй магчымыя і пажаданыя для іх узаемнай выгады, асабліва з улікам існуючых палітычных, гандлёвых, транспартных і энергетычных сувязяў, кантактаў паміж людзьмі".
"(ЕП) падкрэслівае, што адносіны паміж Расіяй і ЕС павінны і надалей грунтавацца на павазе міжнароднага права і дыялогу, у выніку чаго ЕС будзе гатовы аднавіць супрацоўніцтва з уладамі ў Маскве па шэрагу канкрэтных пытанняў, якія прадстаўляюць агульны інтарэс", — адзначаюць у ЕП.